Претседателот Пендаровски оствари билатерална средба со Розмари ДиКарло, потсекретарка за политички и мировни прашања на ООН

17 јуни 2022 | Соопштенија

Претседателот Стево Пендаровски, во рамки на Преспа форум за дијалог, денеска во Охрид имаше билатерална средба со потсекретарката за политички и мировни прашања на Обединетите нации, Розмари ДиКарло, на која беше потврдена силната посветеност и придонес на Северна Македонија кон мултилатеризмот.

Претседателот Пендаровски изрази поддршка за визијата за глобална соработка и ефективен мултилатерализам преточена во извештајот на Генералниот секретар Гутереш „Нашата заедничка агенда“, согласувајќи се со соговорничката дека неопходна е сплотеност и тесна соработка меѓу државите за постигнување на целта во насока на обезбедување напредок во мир, достоинство, еднаквост. Истото е особено релевантно во актуелниот контекст на воена агресија од страна на Руската Федерација врз Украина. Тој ја потенцираше подготвеноста на земјата за поддршка на реформските процеси иницирани токму од Генералниот секретар на ОН во контекст на спречување конфликти, одржлив развој и реформи во управувањето.

Од страна на Претседателот беше изразена благодарност за фокусот што ООН го посветуваат на земјите од Западен Балкан и го поздрави актуелниот регионален проект за млади со поддршка на ООН, а со цел зајакнување на социјалната кохезија и регонална соработка во контекст на ЕУ интеграциите во земјите од Западен Балкан. Претседателот истакна дека континуираниот ангажман на ОН во Северна Македонија придонесува за зајакнување на капацитетот на земјата во клучните сектори и за реализација на реформската агенда во контекст на ЕУ интегративниот процес.

Потсекретарката за политички прашања на ОН, Розмари ДиКарло се заблагодари за можноста да биде учесник на Преспа форумот за дијалог, под покровителство на Претседателот Пендаровски. Таа го истакна привремениот прифат на авганистански граѓани во земјава при повлекување на меѓународните претставници од Авганистан, оценувајќи го како особено хуман гест кој многу високо се цени во ООН.

Го реафирмираше позитивниот однос на ООН кон земјава, со оглед на демонстрираната конструктивност и политичка волја за решавање на прашањата преку дијалог и преговори, како и нашите активности во рамките на Организацијата.

Категории

Categories

Kategori

Последни вести

Latest news

Lajmet e fundit

Средба на претседателот Пендаровски со Аналена Баербок, сојузна министерка за надворешни работи на СР Германија

Средба на претседателот Пендаровски со Аналена Баербок, сојузна министерка за надворешни работи на СР Германија

Претседателот Стево Пендаровски денеска ја прими Аналена Баербок, сојузна министерка за надворешни работи на Сојузна Република Германија, која престојува во официјална посета на Република Северна Македонија. На средбата се...

Претседателот Пендаровски го потпиша Указот за новиот Закон за амнестија

Претседателот Пендаровски го потпиша Указот за новиот Закон за амнестија

Претседателот Стево Пендаровски денеска го потпиша Указот на усвоениот Закон за амнестија, со кој се предвидува лицата осудени за кривичните дела од член 205 „Пренесување на заразна болест“ и член 206 „Непостапување според здравствените прописи за време на епидемија“...

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Ве известуваме дека на 28 и 29 март 2023 година во официјална посета на Република Северна Македонија ќе престојува сојузниот претседател на Република Австрија, Н.Е. д-р Александер Ван дер Белен, во придружба на неговата сопруга, г-а Дорис Шмидауер. Заинтересираните...

Претседателот Пендаровски се обрати на чествувањето на јубилејот „Сто години од раѓањето на Ацо Шопов“ во УНЕСКО во Париз

Претседателот Пендаровски се обрати на чествувањето на јубилејот „Сто години од раѓањето на Ацо Шопов“ во УНЕСКО во Париз

Претседателот Стево Пендаровски денеска во Париз се обрати на отворањето на меѓународниот симпозиум во рамки на чествувањето на јубилејот „Сто години од раѓањето на Ацо Шопов (1923 – 1982)“, што се одржува под негово покровителство во соработка со УНЕСКО. Воедно,...

Средба на претседателот Пендаровски со генералната директорка на УНЕСКО, Одре Азуле

Средба на претседателот Пендаровски со генералната директорка на УНЕСКО, Одре Азуле

Претседателот Стево Пендаровски денеска во Париз оствари средба со генералната директорка на УНЕСКО, Одре Азуле. На средбата се разговараше за севкупната соработка на Република Северна Македонија со УНЕСКО, во контекст на 30-годишнината од нашето членство во...