Претседателот Пендаровски оствари средба со почесни конзули на Република Северна Македонија во странски држави

13 октомври 2019 | Средби

Претседателот на Република Северна Македонија, Стево Пендаровски, оствари средба со почесни конзули на Република Северна Македонија во странски држави.

На средбата којашто се реализира во пресрет на Конференцијата на почесни конзули на Република Северна Македонија, конзулите го информираа претседателот Пендаровски за нивните досегашни активности, за предизвиците со кои се соочуваат во вршењето на нивната должност, споделувајќи ги идеите и размислувањата за нивно надминување.

Изразувајќи задоволство од континуираниот позитивен придонес на нашите почесни конзули во промовирањето на Северна Македонија, претседателот Пендаровски нагласи дека со нивната индивидуална заложба создаваат можности за проширување и зајакнување на билатералните односи на Северна Македонија со голем број земји во светот. Оттаму истакна тој, неопходно е државата да им ја пружи сета неопходна поддршка.

Говорејќи за Европската унија и НАТО, како наши најзначајни приоритети, Претседателот истакна дека очекуваната позитивна одлука за почеток на претпристапните преговори за членство на Северна Македонија во Европската унија, е заслужено и праведно признание за нашата досегашна улога, како во креирањето на добрососедската политика во Југоисточна Европа, така и во европските интегративни процеси, во кои несебично даваме свој придонес. Пред почесните конзули, тој нагласи дека стабилноста, безбедноста и просперитетот на целиот регион е во тесна врска со евроинтегративните процеси.

Со секоја од земјите во коишто нашите конзули живеат и функционираат имаме различни врски и интереси истакна Претседателот, но нашиот императив секогаш останува зајакнувањето на економските односи, подобрување на културните врски и односите меѓу луѓето. Во тој контекст, изрази задоволство што голем број од воспоставените бизнис контакти се резултат на активниот придонес на почесните конзули. Охрабрувајќи ги нивните понатамошни активности, претседателот Пендаровски истакна дека Северна Македонија ќе продолжи да ги поддржува иницијативите за соработка од заемен интерес, во насока на зголемување на свесноста за културата и деловните специфики, како во земјата во која конзулите не претставуваат, така и во Северна Македонија.

Категории

Categories

Kategori

Последни вести

Latest news

Lajmet e fundit

Средба со преставници на Лајонс дистрикт 132 – Северна Македонија и меѓународниот претседател  на организацијата, Брајан Шихан

Средба со преставници на Лајонс дистрикт 132 – Северна Македонија и меѓународниот претседател на организацијата, Брајан Шихан

Претседателот Стево Пендаровски денеска го прими Брајан Шихан, претседател на Меѓународната асоцијација на Лајонс клубови и претставници на Лајонс дистрикт 132 Северна Македонија, по повод 25-годишнината од нивната работа во нашата држава. [gallery...

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Стево Пендаровски денеска ги прими акредитивните писма на новоименуваниот амбасадор на Република Азербејџан за Република Северна Македонија, со седиште во Белград, Камил Касијев. На свечената церемонија на предавање...

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Ученици од ООУ„7 Марси“ од Липково и од ООУ „Љубен Лапе" од Скопје, во рамки на активноста Отворен Кабинет, денеска се сретнаа и поразговараа со претседателот Пендаровски за неговата работа, за претседателските надлежности и активности. [gallery...

Ѓоргиевска: Мора системски, институционално да се искорени дискриминацијата и задскриената маргинализација

Ѓоргиевска: Мора системски, институционално да се искорени дискриминацијата и задскриената маргинализација

Сопругата на претседателот, Елизабета Ѓоргиевска присуствуваше и се обрати на завршната регионална конференција „Предизвици со кои се соочуваат жените и девојчињата во регионот на патот кон ЕУ – Гласно и храбро ги поместуваме границите“. Конференцијата е во...

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...