Претседателот Пендаровски прими претставници на Регионалната канцеларија за младинска соработка (RYCO)

4 ноември 2020 | Соопштенија

Претседателот Стево Пендаровски денеска прими претставници на Регионалната канцеларија за младинска соработка (RYCO).

На средбата, претставниците на Канцеларијата го информираа претседателот Пендаровски за тековните активности во регионот на Западен Балкан, како и за нивните натамошни проекти со цел зголемено учество на младите во процесите на одлучување во сите сфери на општественото живеење.

Во таа насока, претставниците на RYCO го запознаа Претседателот со нивните препораки за подобрување на состојбата со младинското учество во регионот во услови на глобална пандемија на КОВИД-19, како и за состојбите на младинското учество во Република Северна Македонија. Потребата од усовршување на дигиталното образование, поддршка и грижа за менталното здравје на младите, поттикнување на претприемништвото, беа посочени како дел од предизвиците со кои се соочуваат младите, за кои е потребна поголема институционална поддршка.

Претседателот Пендаровски ги поздрави иницијативите на RYCO и истакна дека е од големо значење во време на социјална изолација, младите и понатаму да се мотивираат и да соработуваат преку заедничко учество во програми, кои имаат за цел регионална соработка и креирање на политики за справување со последиците кои произлегуваат од пандемијата.

Во тој контекст, Претседателот ја рефирмираше неговата целосна поддршка за надградување на севкупното образование на младите преку нивно вмрежување, а со цел изнаоѓање на практични и инвентивни решенија за предизвиците од новото време и подготовка за пост-ковид светот. Притоа, на средбата беа разменети мислења околу можностите за промоција на целите на RYCO преку соработка и реализација на заеднички проекти со Претседателскиот центар за политичко образование и со „МладиХАБ – дигитална младина”.

Регионалната канцеларија за соработка со млади е основана од учесници од земјите на Западен Балкан:  Албанија, Босна и Херцеговина, Косово, Црна Гора, Северна Македонија и Србија, со цел да го промовира духот на помирувањето и соработка помеѓу младите во регионот преку програми за размена на млади.

 

Категории

Categories

Kategori

Последни вести

Latest news

Lajmet e fundit

Делегациja од Кабинетот на Претседателот оддадe почит на осумтемина армиски резервисти загинати кај Љуботенски бачила

Делегациja од Кабинетот на Претседателот оддадe почит на осумтемина армиски резервисти загинати кај Љуботенски бачила

Делегациja од Кабинетот на Претседателот на Република Северна Македонија, во состав полковник Билјана Блажеска, аѓутант на претседателот и Валентин Диневски, посебен советник за безбедност, по повод 21-годишнината од загинувањето на осум армиски резервисти кај...

Претставници од Кабинетот на Претседателот оддадоа почит на 10-те армиски резервисти загинати кај Карпалак

Претставници од Кабинетот на Претседателот оддадоа почит на 10-те армиски резервисти загинати кај Карпалак

Претставници од Кабинетот на Претседателот на Република Северна Македонија, по повод 21-годишнината од загинувањето на 10-те армиски резервисти кај месноста Карпалак, денеска положија цвеќе пред спомен-плочата кај месноста Карпалак на автопатот Тетово – Скопје и пред...

Објавен Јавниот повик за признанието „Успешни млади“ за 2021 година

Објавен Јавниот повик за признанието „Успешни млади“ за 2021 година

Кабинетот на Претседателот на Република Северна Македонија продолжува со имплементација на проектот „Успешни млади“, признание кое што се доделува во насока на вреднување на трудот и знаењето на младите, како една од политиките за намалување на одливот на млади луѓе...

Порака од претседателот Стево Пендаровски по повод Европскиот ден на сеќавање за холокаустот врз Ромите

Порака од претседателот Стево Пендаровски по повод Европскиот ден на сеќавање за холокаустот врз Ромите

Претседателот Стево Пендаровски по повод 2 август - Европскиот ден на сеќавање за холокаустот врз Ромите ја упати следната порака: „Сеќавајќи се и оддавајќи почит на милионите жртви во Втората светска војна, не смееме да заборавиме и на над 4300 деца, жени и мажи...

Претседателот Пендаровски положи цвеќе пред спомен-плочата на АСНОМ во манастирот „Св. Прохор Пчински“

Претседателот Пендаровски положи цвеќе пред спомен-плочата на АСНОМ во манастирот „Св. Прохор Пчински“

Претседателот Стево Пендаровски, по повод одбележувањето на 2 Август, Илинден – Денот на Републиката, денеска го посети манастирот „Св. Прохор Пчински“, каде е одржано првото заседание на Антифашистичкото собрание на народното ослободување на Македонија и положи цвеќе...