Претседателот Пендаровски со сопругата присуствуваа на перформансот „Везилка – 100 години од раѓањето на Блаже Конески“

10 октомври 2021 | Соопштенија

 

Под заедничко име „Слоеви на современоста – 30 години независност низ уметностите“ во организација на Кабинетот на претседателот преку низа културни настани се одбележува Јубилејот – 30 години независна македонска држава.

Вечерва претседателот Стево Пендаровски заедно со сопругата Елизабета Ѓоргиевска, имаа можност да го проследат перформансот „Везилка– 100 години од раѓањето на Блаже Конески“  во режија и драматуршка интервенција на Зоја Бузалковска поставен на сцената во Филхармонијата на Република Северна Македонија.

Перформансот „Везилка“ претставува посветен ракопис кој содржи драматуршки рекомпонирани стихови на основоположникот на македонскиот современ јазик и македонските траги во современата книжевност и култура Блаже Конески, делови од неговите прози, како и делови од разговорите со Цане Андреевски.

На сцената перформансот „Везилка“ беше поставен од музичката група Фолтин и автoрската екипа во состав: Трајанка Илиева Вељиќ – Таци, Ања Митиќ, Александар Степанулески, Никола Настоски, Ѓорѓе Јовановиќ и Зоја Бузалковска. За време на настанот беа прикажани и видео анимации со текстови од творештвото на Конески.

Претседателот Пендаровски е покровител на јубилејната стогодишнина од раѓањето на Блаже Конески и овој настан, освен што е дел од низата културни настани по повод Јубилејот – 30 години независна македонска држава, истиот е посветен на најважната фигура на современата македонска наука, книжевност и лингвистика.

 

 

 

Последни вести

Latest news

Lajmet e fundit

Со четвртиот модул заврши првата Школа за политики при Претседателскиот центар за политичко образование

Со четвртиот модул заврши првата Школа за политики при Претседателскиот центар за политичко образование

Вчера и денеска во соработка со партнерските организации, Меѓународниот републикански институт (ИРИ) и Националниот демократски институт (НДИ) се одржа последниот, четврт модул со кој се финализираше Школата за политики за 2021 година при Претседателскиот центар за...

Генералниот секретар на Кабинетот на Претседателот положи цвеќе по повод 23 Октомври – Денот на македонската револуционерна борба

Генералниот секретар на Кабинетот на Претседателот положи цвеќе по повод 23 Октомври – Денот на македонската револуционерна борба

Генералниот секретар Миле Бошњаковски како претставник на Кабинетот на Претседателот на Република Северна Македонија, денеска, по повод 23 Октомври – Денот на македонската револуционерна борба, положи цвеќе пред споменикот на Гоце Делчев во Градскиот парк во Скопје....

Честитка од претседателот Пендаровски по повод 23 Октомври – Денот на македонската револуционерна борба

Честитка од претседателот Пендаровски по повод 23 Октомври – Денот на македонската револуционерна борба

Претседателот Стево Пендаровски упати честитка до граѓаните по повод 23 Октомври – Денот на македонската револуционерна борба. Почитувани сограѓани, Нека ни е честит 23 Октомври, Денот на македонската револуционерна борба. Датумот на основањето на македонската...

Претседателот Пендаровски се обрати на завршниот настан на 6. Отворени денови на Институтот за македонски јазик

Претседателот Пендаровски се обрати на завршниот настан на 6. Отворени денови на Институтот за македонски јазик

Претседателот Стево Пендаровски денеска во Небрегово ja посети Спомен-куќата на Блаже Конески и се обрати на завршниот настан на 6. Отворени денови на Институтот за македонски јазик „Крсте Петков Мисирков“. Во рамки на настанот, претседателот Пендаровски положи свежо...