Претседателот Пендаровски ја врачи Големата годишна награда за најуспешно архитектонско дело во 2019 година

26 декември 2019 | Обраќања, Соопштенија

Претседателот на Република Северна Македонија, Стево Пендаровски, вечерва ја врачи Големата годишна награда за архитектура во 2019 година за основното училиште „Киро Глигоров“ на Бесиан Мехмети, Стефан Атанасоски, Никола Кунгуловски и Арменд Хебипи. Големата годишна награда ја доделува Асоцијацијата на архитекти на Македонија, а претседателот Пендаровски е покровител на манифестацијата.

Претседателот Пендаровски во своето обраќање истакна дека секое архитектонско дело, меѓу другото, е резултат на низа компромиси, независно дали се буџетски, просторни, временски. „Но, убеден сум дека најголемиот компромис што мора да научиме да го правиме, е компромисот во полза на здравата животна средина и хуманиот простор. Ако сакаме градбите од нашата генерација да го издржат тестот на времето, тие мора во себе да ја вградат солидарноста кон луѓето и одржливоста кон природата“, рече претседателот Пендаровски. Тој во обраќањето потсети на скорешното крајно негативно искуство кога политичарите беа архитекти, а архитектите само извршители на нивните замисли и упати порака до архитектите – „Сакам да апелирам до сите вас, и сега и во иднина, никогаш да не правите компромиси со вашиот личен и професионален интегритет и наместо правилата и етиката на вашата професија да го следите диктатот на политиката“, порача претседателот Пендаровски.

Во продолжение е интегралното обраќање на Претседателот.

Почитувани членови на Асоцијацијата на архитекти на Македонија,

Голема чест ми е да бидам покровител на доделувањето на Големата годишна награда за архитектура. Според мене, и комисијата што го прави изборот, но, и воопшто Асоцијацијата на Архитекти на Македонија има многу важна мисија, а тоа не е само да го вреднувате трудот на вашите колеги, туку низ тој чин, и низ многу други всушност, да понудите визија за развојот на македонската архитектура. Ќе ми дозволите, со помош на една куса историска епизода поврзана со вашата професија, на која наидов неодамна, да објаснам што сакам да кажам.

Пред околу 150 години, група инвеститори во Брадфорд решиле да изградат нова берзанска зграда. Но, имале вообичаен проблем, секој од нив имал различен вкус и претпочитал различен архитектонски стил од минатото. Побарале експертска помош од познатиот британски критичар на уметноста Џон Раскин од кого очекувале да им посочи кој од старите архитектонски стилови е најсоодветен за новата берзанска зграда. Раскин, кој верувал дека добрата архитектура е израз на поднебјето и карактерот на народот, им дал три совети.

Прво, наспроти популарната теза дека за вкусовите не се разговара, Раскин тврди дека вкусот е израз на вредностите, а за нив не може а да не се разговара. Градбите што ги обликуваме, подоцна нè обликуваат нас, нашите погледи, навики и животи. Второ, архитектурата наместо симболично да ги утврдува, треба да ги деконструира социјалните и други разлики со тоа што ќе биде пристапна за секој човек. Трето, Раскин вели дека наместо анахрона, секоја нова градба треба да биде во духот на времето во кое се гради, ако не и пред тоа време.

Почитувани,

Ако сакаме да имаме хуман, квалитетен животен простор во Скопје, и воопшто во секој град и населено место во Северна Македонија, ние треба да започнеме со прашањето: кој е духот на нашето време?

По катастрофалниот земјотрес Скопје беше изградено во модерен стил, во солидарен дух. Солидарноста како принцип, ги руши бариерите и ја прави градбата пристапна за што повеќе луѓе, вклучително и за лица со физички хендикеп.

Ако ги следиме различните концепти што доминантно ќе влијаат на архитектурата во наредните децении, толкувани според авторитетите од вашата професија, ќе видиме дека сите тие имаат еден заеднички содржател, а, тоа е одржливоста, разбрана како енергетска ефикасност и еколошка одговорност на градбите.

Јасно е дека секое архитектонско дело, меѓу другото, е резултат на низа компромиси, независно дали се буџетски, просторни, временски. Но, убеден сум дека најголемиот компромис што мора да научиме да го правиме е компромисот во полза на здравата животна средина и хуманиот простор. Ако сакаме градбите од нашата генерација да го издржат тестот на времето, тие мора во себе да ја вградат солидарноста кон луѓето и одржливоста кон природата.

Меѓутоа, има и компромиси кои не треба да ги правите. Сакам да апелирам до сите вас, и сега и во иднина, никогаш да не правите компромиси со вашиот личен и професионален интегритет и наместо правилата и етиката на вашата професија да го следите диктатот на политиката. Во таа смисла, скорешното крајно негативно искуство кога политичарите беа архитекти, а архитектите само извршители на нивните замисли, треба да ни биде доволна поука.

Со оваа мисла, на самиот крај дозволете да го прогласам победникот на Големата годишна награда за архитектура.

Најуспешно реализирано архитектонско дело во 2019 година е основното училиште “Киро Глигоров” на Бесиан Мехмети, Стефан Атанасоски, Никола Кунгуловски и Арменд Хебипи.

Ви благодарам.

Категории

Categories

Kategori

Последни вести

Latest news

Lajmet e fundit

Средба на претседателот Пендаровски со Аналена Баербок, сојузна министерка за надворешни работи на СР Германија

Средба на претседателот Пендаровски со Аналена Баербок, сојузна министерка за надворешни работи на СР Германија

Претседателот Стево Пендаровски денеска ја прими Аналена Баербок, сојузна министерка за надворешни работи на Сојузна Република Германија, која престојува во официјална посета на Република Северна Македонија. На средбата се...

Претседателот Пендаровски го потпиша Указот за новиот Закон за амнестија

Претседателот Пендаровски го потпиша Указот за новиот Закон за амнестија

Претседателот Стево Пендаровски денеска го потпиша Указот на усвоениот Закон за амнестија, со кој се предвидува лицата осудени за кривичните дела од член 205 „Пренесување на заразна болест“ и член 206 „Непостапување според здравствените прописи за време на епидемија“...

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Ве известуваме дека на 28 и 29 март 2023 година во официјална посета на Република Северна Македонија ќе престојува сојузниот претседател на Република Австрија, Н.Е. д-р Александер Ван дер Белен, во придружба на неговата сопруга, г-а Дорис Шмидауер. Заинтересираните...

Претседателот Пендаровски се обрати на чествувањето на јубилејот „Сто години од раѓањето на Ацо Шопов“ во УНЕСКО во Париз

Претседателот Пендаровски се обрати на чествувањето на јубилејот „Сто години од раѓањето на Ацо Шопов“ во УНЕСКО во Париз

Претседателот Стево Пендаровски денеска во Париз се обрати на отворањето на меѓународниот симпозиум во рамки на чествувањето на јубилејот „Сто години од раѓањето на Ацо Шопов (1923 – 1982)“, што се одржува под негово покровителство во соработка со УНЕСКО. Воедно,...

Средба на претседателот Пендаровски со генералната директорка на УНЕСКО, Одре Азуле

Средба на претседателот Пендаровски со генералната директорка на УНЕСКО, Одре Азуле

Претседателот Стево Пендаровски денеска во Париз оствари средба со генералната директорка на УНЕСКО, Одре Азуле. На средбата се разговараше за севкупната соработка на Република Северна Македонија со УНЕСКО, во контекст на 30-годишнината од нашето членство во...