Претседателот со сопругата домаќини на камерен концерт на млади музичари од Фондацијата „Томислав Зографски“

23 септември 2020 | Aктивности, Соопштенија

Вчеравечер претседателот Стево Пендаровски со сопругата г-а Елизабета Ѓоргиевска беа домаќини на камерен концерт на млади музичари од Фондацијата „Томислав Зографски“.

Меѓу присутните гости беа министерката за култура,  Ирена Стефоска, претставници на дипломатскиот кор во земјава, како и претставници од областа на културата.

Ова е прв концерт од ваков вид што се организира во Вила Водно, а целта на оваа иницијатива е промоција на млади изведувачи на класична музика, како и промоција на делата на познати македонски композитори.

Поздравувајќи ги присутните на концертот, директорката на Управниот одбор на Фондацијата „Томислав Зографски“, Панда Зографска Беличанец, истакна дека веќе петнаесет години оваа фондација успешно работи на афирмирање на музичкото творештво на Зографски кое е дел од културното наследство на земјава, како и на поттикнување на развојот на музичката култура во државата и во странство.

На камерниот концерт младите музичари: Стефан Неделковски, Јана Каевска, Пандорка Јанакиева, Ева Богоевска, Ѓорѓи Трајков, Маја Витанова, Анел Селим и Леонардо Димоски се претставија со репертоар од познатите композитори: Томислав Зографски, Рио Нода, Лудвиг ван Бетовен, Гоце Колароски, Џон Вилијамс, Игор Стравински, а беа исполнети и обработки на две народни песни „Елено ќерко Елено“ и „Јовано Јованке “.

Категории

Categories

Kategori

Последни вести

Latest news

Lajmet e fundit

Државна вечера во чест на претседателот на Сојузна Република Германија, Франк-Валтер Штајнмајер

Државна вечера во чест на претседателот на Сојузна Република Германија, Франк-Валтер Штајнмајер

По повод официјалната посета на претседателот на Сојузна Република Германија, Франк Валтер Штајнмајер, беше приредена државна вечера, на која беа поканети претставници од државниот врв, пратеници, претставници од политичките партии, како и стопанственици од бизнис...

Претседателот Пендаровски и претседателот Штајнмајер положија венци на гробот на Гоце Делчев во црквата „Св. Спас“

Претседателот Пендаровски и претседателот Штајнмајер положија венци на гробот на Гоце Делчев во црквата „Св. Спас“

Во рамки на официјалната посета на претседателот на Сојузна Република Германија, Франк-Валтер Штајнмајер на Република Северна Македонија, денеска претседателот Пендаровски и претседателот Штајнмајер положија венци на гробот на македонскиот револуционер Гоце Делчев во...

Пендаровски-Штајнмајер: Германија ќе продолжи да биде нашиот клучен политички и економски партнер

Пендаровски-Штајнмајер: Германија ќе продолжи да биде нашиот клучен политички и економски партнер

Претседателот Стево Пендаровски денеска со највисоки државни и воени почести го пречека претседателот на Сојузна Република Германија, Франк-Валтер Штајнмајер, кој престојува во официјална посета на Република Северна Македонија. Во рамки на посетата, покрај тет-а-тет...

Започна официјалната посета: Претседателот Пендаровски го пречека германскиот претседател Франк-Валтер Штајнмајер

Започна официјалната посета: Претседателот Пендаровски го пречека германскиот претседател Франк-Валтер Штајнмајер

На церемонија со највисоки државни и воени почести претседателот Стево Пендаровски денеска го пречека претседателот на Сојузна Република Германија, Франк-Валтер Штајнмајер, кој престојува во официјална посета на Република Северна Македонија. [gallery...

Претседателот Пендаровски домаќин на германскиот претседател Франк-Валтер Штајнмајер

Претседателот Пендаровски домаќин на германскиот претседател Франк-Валтер Штајнмајер

Претседателот Стево Пендаровски на 29 и 30 ноември 2022 година ќе биде домаќин на претседателот на Сојузна Република Германија, Франк-Валтер Штајнмајер, кој ќе престојува во дводневна официјална посета на Република Северна Македонија. Претседателот Штајнмајер на...