Претседателски центар за политичко образование објавува повик за учесници на Школата за политики за 2022 година

1 февруари 2022 | Јавни повици, Соопштенија

Школата за политики за 2022 година при Претседателскиот центар за политичко образование ќе биде организирана во духот на демократските политички вредности, промоцијата и заштитата на човековите права и слободи, политичкиот плурализам, меѓусебната толеранција, заедништвото и солидарноста. Во таа насока, Школата ќе настојува да ги поврзе учесниците со различно професионално искуство, кои имаат желба со своите знаења и вештини да придонесат за позитивен развој на општеството, во рамки на пет едукативни семинари со еминентни предавачи и обучувачи од државата и од странство.

Школата за политики е организирана во соработка со фондациите и здруженијата Фондација „Фридрих Еберт” – Скопје; Меѓународен републикански институт (ИРИ), подружница – Скопје, Фондација „Конрад Аденауер”, подружница – Скопје, Национален демократски институт за меѓународни работи (НДИ), канцеларија во Северна Македонија, Фондација за демократија на Вестминстер, подружница во Република Северна Македонија, Фондација „МК2025” и Регионална организација за младинска соработка (РИКО).

Учесниците на Школата за политики за 2022 година ќе имаат можност да:

  • ги унапредат своите знаења на темите демократија, одржлив развој, евроинтеграции и комуникации, притоа разбирајќи го процесот на креирање политики;
  • следат предавања и интерактивни работилници од врвни домашни и меѓународни експерти;
  • работат индивидуално и во групи со истакнати поединци – нивни врсници од општествениот и политичкиот живот во државата;
  • ги зајакнат своите комуникациски, лидерски и меки вештини;
  • имаат пристап до актуелна литература на темите и да следат општествени дебати на истите;
  • остварат значајни контакти и да се вмрежат со експерти од областите кои ги опфаќа Школата.

Школата ќе се одржи во периодот од март до ноември 2022 година, за време на викендите. Присуството на сите пет едукативни семинари е задолжително. Учесниците кои ќе ја завршат Школата ќе се стекнат со сертификат.

Услови за учество:

  • возраст од 21 ‒ 35 години;
  • државјанство на Република Северна Македонија;
  • работно познавање на англиски јазик, познавање на друг странски јазик ќе се смета за предност;
  • истакнато учество во општествениот и политичкиот живот во државата, поттикнувајќи позитивни промени;
  • солидни познавања на општествената терминологија;
  • работното искуство ќе се смета за предност.

Потребни документи за апликација:

  • Пријава која може да се симне на следниот линк;
  • Биографија во облик на Europass CV;
  • Две препораки од еминентни професори/работодавачи/ соработници, релевантни за тематиката на Школата;
  • Есеј на англиски јазик на зададена тема по избор: 1. „Мојот придонес за позитивни промени во нашата држава“ и 2. „Мојата визија за демократскиот развој на Северна Македонија“.

Повеќе информации за Школата за политики за 2022 година при Претседателскиот центар за политичко образование се достапни на следниот линк.

Селектираните кандидати ќе бидат повикани на усно интервју, кое ќе се одржи во живо или онлајн, зависно од моменталната здравствена ситуација во државата во време на пандемија на Ковид-19.

Како услов за учество на Школата за политики за 2022 година, избраните кандидати за учесници на Школата ќе потпишат изјава за задолжително присуство на сите последователни едукативни семинари, согласно Годишната програма за работа на Претседателскиот центар за политичко образование за 2022 година.

Целосната апликација треба да се испрати најдоцна до 22 февруари 2022 година на [email protected].

За повеќе информации за Школата за политики за 2022 година, Ве молиме погледнете го документот со „Често поставувани прашања“ во прилог.

Претседателскиот центар за политичко образование цели да организира инклузивни и пристапни настани кои ќе овозможат сите учесници, вклучувајќи ги и лицата со попреченост, целосно да учествуваат. Доколку имате потреба од повеќе информации за пристапноста на настаните или апликацијата, можете да нѐ контактирате на [email protected].

*Право на учество ќе имаат пријавените кандидати кои ги исполнуваат наведените услови и ќе достават целосна и навремена апликација.

**Трошоците за семинарите и за хотелското сместување при Школата за политики за 2022 година ќе бидат покриени од страна на Претседателскиот центар за политичко образование и партнерските организации. Едукативните семинари ќе бидат одржани во согласност со протоколите за работа во време на пандемија на Ковид-19, изготвени од Комисијата за заразни болести и усвоени од Владата на Република Северна Македонија.


Преземи документи:

Пријава за учество
Често поставувани прашања

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

По повод 27 јануари, Меѓународниот ден за сеќавање на жртвите од Холокаустот, претседателот Стево Пендаровски ја испрати следната порака: Милионите жртви, неправди и ужасот од холокаустот нè потсетуваат на нашата заедничка историска одговорност да градиме демократски...

Обраќање на претседателот Пендаровски на традиционалниот годишен прием за претставниците на дипломатскиот кор

Обраќање на претседателот Пендаровски на традиционалниот годишен прием за претставниците на дипломатскиот кор

Претседателот Стево Пендаровски се обрати на традиционалниот годишен прием што за претставниците на дипломатскиот кор, акредитирани во Република Северна Македонија, го приреди вчеравечер во Скопје. Во улога на доајен на дипломатскиот кор, на приемот се обрати...

Честитка од претседателот Пендаровски по повод празникот Свети Сава

Честитка од претседателот Пендаровски по повод празникот Свети Сава

Претседателот Стево Пендаровски по повод празникот Свети Сава упати честитка до припадниците на српската заедница во Република Северна Македонија. Почитувани сограѓани од српската заедница, Дозволете во мое лично име и во името на сите граѓани на Република Северна...

Проштална средба на претседателот Пендаровски со грузиската амбасадорка Лилуашвили

Проштална средба на претседателот Пендаровски со грузиската амбасадорка Лилуашвили

Претседателот Стево Пендаровски денеска во проштална средба ја прими Тамуна Лилуашвили, амбасадорката на Грузија во Република Северна Македонија. На средбата се разменија мислења за билатералните односи меѓу двете држави, актуелните состојби и предизвиците во...

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Ве известуваме дека на 5 и 6 февруари 2023 година во официјална посета на Република Северна Македонија ќе престојува претседателката на Унгарија, Каталин Новак. Заинтересираните медиуми за следење на официјалната посета потребно е да се акредитираат најдоцна до 1...