Проштална средба на претседателот Пендаровски со амбасадорката на Индија Пуџа Капур

18 февруари 2021 | Соопштенија

Претседателот Стево Пендаровски денеска во проштална средба ја прими Пуџа Капур, амбасадорка на Република Индија во Република Северна Македонија, со седиште во Софија.

На средбата беше изразено задоволство од развојот на односите меѓу двете држави кои ги карактеризира заемно пријателство, доверба и почитување. Во таа насока беше реафирмирана заложбата за продолжување на политичкиот дијалог и целокупната соработка во сите сфери од заемен интерес, особено во економската област каде што постои голем потенцијал.

Соговорниците разменија мислења и за моменталните состојби во двете држави во контекст на пандемијата на Ковид-19, како и за мерките и активностите коишто се преземаат за справување со здравствените и социо-економските предизвици.

На средбата беше нагласена важноста на неодамнешното потпишување на Меморандумот за разбирање меѓу Министерствата за здравство на двете држави, како добра почетна точка за поттикнување на соработката во здравствената сфера.

Претседателот Пендаровски изрази благодарност за посветеноста и ангажманот на амбасадорката Капур за време на извршувањето на одговорната дипломатска функција во нашата држава, посакувајќи и успех во извршувањето на идната должност, амбасадорка на Република Индија во Кралството Данска.

Категории

Categories

Kategori

Последни вести

Latest news

Lajmet e fundit

Државна вечера во чест на претседателот на Сојузна Република Германија, Франк-Валтер Штајнмајер

Државна вечера во чест на претседателот на Сојузна Република Германија, Франк-Валтер Штајнмајер

По повод официјалната посета на претседателот на Сојузна Република Германија, Франк Валтер Штајнмајер, беше приредена државна вечера, на која беа поканети претставници од државниот врв, пратеници, претставници од политичките партии, како и стопанственици од бизнис...

Претседателот Пендаровски и претседателот Штајнмајер положија венци на гробот на Гоце Делчев во црквата „Св. Спас“

Претседателот Пендаровски и претседателот Штајнмајер положија венци на гробот на Гоце Делчев во црквата „Св. Спас“

Во рамки на официјалната посета на претседателот на Сојузна Република Германија, Франк-Валтер Штајнмајер на Република Северна Македонија, денеска претседателот Пендаровски и претседателот Штајнмајер положија венци на гробот на македонскиот револуционер Гоце Делчев во...

Пендаровски-Штајнмајер: Германија ќе продолжи да биде нашиот клучен политички и економски партнер

Пендаровски-Штајнмајер: Германија ќе продолжи да биде нашиот клучен политички и економски партнер

Претседателот Стево Пендаровски денеска со највисоки државни и воени почести го пречека претседателот на Сојузна Република Германија, Франк-Валтер Штајнмајер, кој престојува во официјална посета на Република Северна Македонија. Во рамки на посетата, покрај тет-а-тет...

Започна официјалната посета: Претседателот Пендаровски го пречека германскиот претседател Франк-Валтер Штајнмајер

Започна официјалната посета: Претседателот Пендаровски го пречека германскиот претседател Франк-Валтер Штајнмајер

На церемонија со највисоки државни и воени почести претседателот Стево Пендаровски денеска го пречека претседателот на Сојузна Република Германија, Франк-Валтер Штајнмајер, кој престојува во официјална посета на Република Северна Македонија. [gallery...

Претседателот Пендаровски домаќин на германскиот претседател Франк-Валтер Штајнмајер

Претседателот Пендаровски домаќин на германскиот претседател Франк-Валтер Штајнмајер

Претседателот Стево Пендаровски на 29 и 30 ноември 2022 година ќе биде домаќин на претседателот на Сојузна Република Германија, Франк-Валтер Штајнмајер, кој ќе престојува во дводневна официјална посета на Република Северна Македонија. Претседателот Штајнмајер на...