Сопругата на претседателот, Елизабета Ѓоргиевска, во посета на Берово

7 декември 2021 | Aктивности, Соопштенија

Сопругата на претседателот на Република Северна Македонија, Елизабета Ѓоргиевска, денеска во Берово, заедно со амбасадорот на Народна Република Кина, Џанг Ѕуо и министерката за труд и социјална политика, Јагода Шахпаска, го посети Дневниот центар за лица со ментална или телесна попреченост при Јавната установа Меѓуопштински центар за социјална работа – Берово, во пресрет на реализацијата на донацијата обезбедена од Амбасадата на Народна Република Кина, а под покровителство на претседателот Стево Пендаровски.

Предвидено е донираните финансиски средства, во висина од 1.540.000 денари, да бидат искористени за опремување на кабинети за физикална и хидро-терапија, како и сензорна соба наменета за деца и лица со аутистичен спектар на нарушувања во Дневниот центар во Берово.

Поздравувајќи ја реализацијата на проектот, г-ѓа Ѓоргиевска истакна дека тоа ќе придонесе за подигнување на квалитетот на социјалните услуги кои ги добиваат граѓаните во овој дел од државата. Според г-ѓа Ѓоргиевска, потребно е сите заеднички да работиме за натамошно подобрување на условите за лицата со попреченост и за зголемување на нивната видливост, истакнувајќи го Дневниот центар во Берово како добар пример во таа насока.

Претходно, г-ѓа Ѓоргиевска го посети домот за стари лица „д-р. Иван Влашки“, каде беше запознаена со работата на оваа установа во која во моментов престојуваат 37 лица.

 

За време на посетата на Берово, г-ѓа Ѓоргиевска ја посети Детската градинка „23 Август“, каде подели новогодишни пакетчиња за децата згрижени во оваа установа.

Категории

Categories

Kategori

Последни вести

Latest news

Lajmet e fundit

Претседателот Пендаровски во посета на Ристо Донев интернационален мајстор во дописен шах

Претседателот Пендаровски во посета на Ристо Донев интернационален мајстор во дописен шах

Претседателот Стево Пендаровски денеска го посети 60-годишниот Ристо Донев, лице со церебрална парализа, носител на титулата интернационален мајстор во дописен шах. Тој го запозна претседателот Пендаровски со неговите шаховски...

Претседателот Пендаровски: Берлинскиот процес не е замена за полноправно членство во ЕУ туку инструмент за побрзо приклучување на сите шест држави од Западниот Балкан

Претседателот Пендаровски: Берлинскиот процес не е замена за полноправно членство во ЕУ туку инструмент за побрзо приклучување на сите шест држави од Западниот Балкан

Претседателот Стево Пендаровски денеска се обрати на конференцијата „Берлински процес 2022 - Интензивирана соработка: Обновениот Берлински процес и иднината на регионалната соработка во Југоисточна Европа“, во организација на Фондацијата „Фридрих Еберт“, во соработка...

Учество на сопругата на претседателот на одбележувањето на 3 Декември – Меѓународниот ден на лицата со попреченост

Учество на сопругата на претседателот на одбележувањето на 3 Декември – Меѓународниот ден на лицата со попреченост

Сопругата на претседателот, Елизабета Ѓоргиевска денеска го посети Државното средно училиште за образование и рехабилитација „Искра“ во  Штип кадешто присуствуваше на одбележувањето на 3 Декември – Меѓународниот ден на лицата со попреченост. [gallery...

Посета на ученици од ООУ „Ѓорги Сугарев” – Битола во рамки на Отворен Кабинет

Посета на ученици од ООУ „Ѓорги Сугарев” – Битола во рамки на Отворен Кабинет

Во пресрет на 3 декември, Меѓународниот ден на лицата со попреченост денеска се реализираше активноста Отворен Кабинет, во рамки на која Кабинетот на Претседателот на Република Северна Македонија го посетија ученици со атипичен развој од ООУ „Ѓорги Сугарев" - Битола....

Претседателот Пендаровски: Брзината на интеграцијата во ЕУ зависи најмногу од нас

Претседателот Пендаровски: Брзината на интеграцијата во ЕУ зависи најмногу од нас

Претседателот Стево Пендаровски, денеска се обрати на петтата пленарна сесија на Националната конвенција за Европска унија во Република Северна Македонија (НКЕУ-МК) што во организација на Европското движење се одржува во Собранието на Република Северна Македонија. Во...