Сопругата на претседателот, Елизабета Ѓоргиевска се обрати на настанот „ Политичкиот дијалог за дебелина во земјите на Западен Балкан“

19 мај 2022 | Aктивности, Соопштенија

Сопругата на претседателот, Елизабета Ѓоргиевска се обрати на настанот „Политичкиот дијалог за дебелина во земјите на Западен Балкан“ што се одржа во Скопје, во организација на Регионалната канцеларија на СЗО за Европа.

Во своето обраќање пред присутните, сопругата на претседателот истакна дека справувањето со зголемената телесна тежина денес е прашањe за скоро секоја земја, а кога ја третираме оваа тема потребно е да се фокусираме дали доволно зборуваме и ја подигаме јавната свест за навиките на потрошувачите и начинот на живот, пристапот до здравствена заштита, нивото на образование, моделите на производство на храна.

„Притоа, потребно е да преземеме одговорноста за тоа колку вложуваме во идните генерации, колку работиме со децата и младите да имаат здрави навики за исхрана, да спортуваат, да волонтираат, да бидат солидарни и да се дружат и конечно, колку како општество им даваме шанса да практикуваат животни стилови кои промовираат здравје“, рече Ѓоргиевска.

Поздравувајќи ја иницијативата на Светската здравствена организација за политички дијалог на клучните чинители од здравствениот сектор во Западен Балкан, Ѓоргиевска посочи дека истата претставува добра можност за создавање заеднички пристап со меѓусекторска соработка со вклучување на здравствените власти, за подигање на јавната свест,  градење на стратегија и партнерство меѓу државата, родителите, образовниот и граѓанскиот сектор и додаде дека истата ќе придонесе да се промовира здрав начин на живот, здрава и умерена исхрана за децата и што повеќе време надвор, а што помалку со телевизорите, компјутерите, таблетите, и смартфоните.

„Само на таков начин ќе градиме здрави генерации коишто се клучни за одржлива иднина“, порача сопругата на претседателот.

На настанот се обратија министерот за здравство, Беким Сали, како и претставници од Светската здравствена организација.

Категории

Categories

Kategori

Последни вести

Latest news

Lajmet e fundit

Претседателот Пендаровски на одбележувањето на 25-годишнината од отворањето на Делегацијата на ЕУ во Скопје

Претседателот Пендаровски на одбележувањето на 25-годишнината од отворањето на Делегацијата на ЕУ во Скопје

Претседателот Стево Пендаровски денеска присуствуваше на одбележувањето на 25-годишнината од отворањето на Делегацијата на Европската Унија во Скопје. Честитајќи ја годишнината, претседателот Пендаровски изрази задоволство од досегашниот развој на односите меѓу...

Претседателот Пендаровски се обрати на Годишниот форум на „Виенската иницијатива“

Претседателот Пендаровски се обрати на Годишниот форум на „Виенската иницијатива“

Претседателот Стево Пендаровски се обрати пред учесниците на Годишниот форум на „Виенската иницијатива“ чиј домаќин е Народната банка на Република Северна Македонија. Во поздравното обраќање претседателот Пендаровски посочи дека овој форум на Иницијативата за...

Средба на претседателот Пендаровски со Аналена Баербок, сојузна министерка за надворешни работи на СР Германија

Средба на претседателот Пендаровски со Аналена Баербок, сојузна министерка за надворешни работи на СР Германија

Претседателот Стево Пендаровски денеска ја прими Аналена Баербок, сојузна министерка за надворешни работи на Сојузна Република Германија, која престојува во официјална посета на Република Северна Македонија. На средбата се...

Претседателот Пендаровски го потпиша Указот за новиот Закон за амнестија

Претседателот Пендаровски го потпиша Указот за новиот Закон за амнестија

Претседателот Стево Пендаровски денеска го потпиша Указот на усвоениот Закон за амнестија, со кој се предвидува лицата осудени за кривичните дела од член 205 „Пренесување на заразна болест“ и член 206 „Непостапување според здравствените прописи за време на епидемија“...

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Повик за акредитирање на медиумски екипи – Официјална посета на сојузниот претседател на Република Австрија, Александер Ван дер Белен

Ве известуваме дека на 28 и 29 март 2023 година во официјална посета на Република Северна Македонија ќе престојува сојузниот претседател на Република Австрија, Н.Е. д-р Александер Ван дер Белен, во придружба на неговата сопруга, г-а Дорис Шмидауер. Заинтересираните...