Сопругата на претседателот на државата, Елизабета Ѓоргиевска присуствуваше на одбележувањето на светскиот ден на Алцхајмерова болест

21 септември 2019 | Aктивности, Соопштенија, Средби

Сопругата на претседателот на Република Северна Македонија, Елизабета Ѓоргиевска денеска учествуваше и се обрати на одбележувањето на меѓународниот ден на Алцхајмеровата болест, 21 септември.

Во своето обраќање Ѓоргиевска посочи дека како и на светско ниво, така и кај нас се повеќе се зголемува бројот на болни од Алцхајмерова болест, најмногу поради фактот што е продолжен животниот век на населението. Според податоците од Светската здравствена организација, како што подвлече сопругата на претседателот на државата, Ѓоргиевска, се смета дека кај нас има околу 20 илјади заболени лица, но само 20% од нив се дијагностицирани и добиваат соодветен третман.

„Апел и да се формираат повеќе телефонски линии за поддршка, можеби формирање на невладини организации или конечно да се направи национален референтен центар каде што би се поставувала рана дијагноза, одреден правилен третман. И во крајна линија да се изработи и да се имплементира национална стратегија за Алцхајмерова болест којашто всушност би водела кон решавање на овој проблем“, истакна сопругата на претседателот на Република Северна Македонија, Елизабета Ѓоргиевска.

Истовремено, сопругата на претседателот, Ѓоргиевска апелираше да се зголеми јавната и професионалната свест за болеста, којашто се смета за епидемија на 21 век. На тој начин, како што истакна Ѓоргиевска, ќе се подобри грижата за болните, како и социјалната поддршка и реинтеграција на болните и нивните семејства во општеството.

Категории

Categories

Kategori

Последни вести

Latest news

Lajmet e fundit

Претседателот Пендаровски во посета на Ристо Донев интернационален мајстор во дописен шах

Претседателот Пендаровски во посета на Ристо Донев интернационален мајстор во дописен шах

Претседателот Стево Пендаровски денеска го посети 60-годишниот Ристо Донев, лице со церебрална парализа, носител на титулата интернационален мајстор во дописен шах. Тој го запозна претседателот Пендаровски со неговите шаховски...

Претседателот Пендаровски: Берлинскиот процес не е замена за полноправно членство во ЕУ туку инструмент за побрзо приклучување на сите шест држави од Западниот Балкан

Претседателот Пендаровски: Берлинскиот процес не е замена за полноправно членство во ЕУ туку инструмент за побрзо приклучување на сите шест држави од Западниот Балкан

Претседателот Стево Пендаровски денеска се обрати на конференцијата „Берлински процес 2022 - Интензивирана соработка: Обновениот Берлински процес и иднината на регионалната соработка во Југоисточна Европа“, во организација на Фондацијата „Фридрих Еберт“, во соработка...

Учество на сопругата на претседателот на одбележувањето на 3 Декември – Меѓународниот ден на лицата со попреченост

Учество на сопругата на претседателот на одбележувањето на 3 Декември – Меѓународниот ден на лицата со попреченост

Сопругата на претседателот, Елизабета Ѓоргиевска денеска го посети Државното средно училиште за образование и рехабилитација „Искра“ во  Штип кадешто присуствуваше на одбележувањето на 3 Декември – Меѓународниот ден на лицата со попреченост. [gallery...

Посета на ученици од ООУ „Ѓорги Сугарев” – Битола во рамки на Отворен Кабинет

Посета на ученици од ООУ „Ѓорги Сугарев” – Битола во рамки на Отворен Кабинет

Во пресрет на 3 декември, Меѓународниот ден на лицата со попреченост денеска се реализираше активноста Отворен Кабинет, во рамки на која Кабинетот на Претседателот на Република Северна Македонија го посетија ученици со атипичен развој од ООУ „Ѓорги Сугарев" - Битола....

Претседателот Пендаровски: Брзината на интеграцијата во ЕУ зависи најмногу од нас

Претседателот Пендаровски: Брзината на интеграцијата во ЕУ зависи најмногу од нас

Претседателот Стево Пендаровски, денеска се обрати на петтата пленарна сесија на Националната конвенција за Европска унија во Република Северна Македонија (НКЕУ-МК) што во организација на Европското движење се одржува во Собранието на Република Северна Македонија. Во...