Сопругата на Претседателот се обрати на настанот „Ромската жена во 21-ви век“

7 март 2020 | Aктивности, Обраќања, Соопштенија

 

Сопругата на Претседателот на Република Северна Македонија Елизабета Ѓоргиевска, по  повод 8 Март- меѓународниот ден на жената присуствуваше и се обрати на настанот  “Ромската жена во 21-ви век – можности, придонеси и предизвици” во организација на Коалицијата на ромски невладини организации “Khetane“.

Во своето обраќање, Ѓоргиевска истакна дека жените и девојките Ромки, коишто професионално се оствариле во своите области, се охрабрување и надеж за оние кои сеуште си го пробиваат патот. Моето присуство денеска на овој настан посветен на ромската жена, истакна сопругата на Претседателот, преставува силна и огромна поддршка на патот кон унапредување на положбата на жените  во нашето општество .

Во продолжение е интегралниот текст од обраќањето.

Почитувани,

Šukar dive.

Задоволство ми е, што во пресрет на Денот на жената, ќе зборуваме за жената, особено за предизвиците со кои се соочува ромската жена во нашето општество. Се надевам дека ќе ги споделите вашите искуства, добри и лоши моменти на патот кон себеостварување во професијата и семејството. Верувам дека не ви недостасувале храброст, упорност, желба и надеж во отстранување на пречките кои сте ги нашле на патот  на дискриминацијата, стереотипите и предрасудите, ограничениот пристап до образованието, домувањето, пазарот на трудот. Знам дека речиси секоја жена, особено жената Ромка се уште мора да се справува со нееднаквиот пристап до вработување, родовите и етничките бариери.

Затоа, денес сме тука да ја констатираме и поздравиме упорноста и работата на граѓанскиот сектор, кој, од моја гледна точка, има значаен удел врз унапредувањето на положбата на ромската жена. Наша заедничка заложба и општествена должност е да работиме посветено за надминување на сите предрасуди. Декадата на Ромите и Стратегијата за Ромите, имаа придонес за подобрување на состојбата. Сите вие, а и вашите пријателки соработнички, напредни жени со кои соработувате, имаа удел во менување на свеста за улогата на ромската жена во нашата земја. Вие ги носите позитивните промени, охрабрувате, поддржувате, свртувате внимание на проблемите, поттикнувате и мобилизирате. Верувам дека вашата заедница, благодарение на вас, ќе има подобро утре. Сите жени кои професионално се оствариле и си го нашле местото под сонцето, се охрабрување и надеж за оние кои сеуште си го пробиваат патот. Солидарни сме со нив и благодарна сум ви на вас што не се откажувате во ниеден момент, пред ниедна бариера.

Јас немам надлежност да ги менувам законите, но тука сум да ја подигнам свеста и да укажам на проблемите со кои се соочуваат жените, да ги пренесам нашите заеднички пораки за праведност и еднаквост во сите сфери. Во таа борба сме на иста страна.

Би сакала да ви потврдам дека моето присуство денеска на овој настан посветен на ромската жена, преставува силна и огромна поддршка на патот кон унапредување на положбата на жените  во нашето општество. Колку побројни ќе бидеме толку побрз и поголем успех ќе имаме.

Ви посакувам успешна работа, сакам да ги слушнам и пренесам вашите успеси и дилеми, сите да ги дознаеме вашите лични приказни, вашата мотивација и успех, придонес кон заедницата и нашето општество.

Секој нареден успех на секоја жена во нашата поширока заедница, ќе биде потврда и мотив да продолжите со вашата иницијатива и борба.

Oven saste.

Ви благодарам.

 

Категории

Categories

Kategori

Последни вести

Latest news

Lajmet e fundit

Претседателот Пендаровски: Потребни ни се блиски врски меѓу Македонија и дијаспората

Претседателот Пендаровски: Потребни ни се блиски врски меѓу Македонија и дијаспората

Претседателот Стево Пендаровски за време на работната посета на САД по повод учеството на 78. Генерално Собрание на Обединетите Нации, вчера попладне во Чикаго, како почесен гостин, присуствуваше и се обрати на донаторска вечера „Патишта кон просперитет“ во...

Порака од претседателот Пендаровски по повод еврејскиот празник Јом Кипур

Порака од претседателот Пендаровски по повод еврејскиот празник Јом Кипур

Претседателот Стево Пендаровски, по повод одбележувањето на еврејскиот празник Јом Кипур, упати порака до претседателот на Еврејската заедница во Република Северна Македонија, Пепо Леви и до сите припадници на еврејската заедница во Република Северна Македонија....

Претседателот Пендаровски во Њујорк ја одликуваше Организацијата на Обединетите Нации со Орден на Република Северна Македонија

Претседателот Пендаровски во Њујорк ја одликуваше Организацијата на Обединетите Нации со Орден на Република Северна Македонија

Претседателот Стево Пендаровски, во рамки на учеството на Генералното собрание на ОН, вчера попладне во Њујорк ја одликуваше Организацијата на Обединетите Нации со Орден на Република Северна Македонија. Претседателот Пендаровски му го врачи одликувањето на генералниот...

Активности на г-а Елизабета Ѓоргиевска во рамки на учеството на претседателот на 78. Генерално Собрание на ОН

Активности на г-а Елизабета Ѓоргиевска во рамки на учеството на претседателот на 78. Генерално Собрание на ОН

Сопругата на претседателот г-а Елизабета Ѓоргиевска, која престојуваше во Њујорк во придружба на претседателот при неговото учество на 78. сесија на Генералното Собрание на Обединетите Нации, оствари повеќе средби и активности. Г-а Ѓоргиевска оствари средба со Диен...

Интервју на претседателот Стево Пендаровски за Гласот на Америка

Интервју на претседателот Стево Пендаровски за Гласот на Америка

Претседателот Стево Пендаровски во интервју за Гласот на Америка на македонски јазик, изјави дека од Русија зависи дали ќе има примирје во Украина. Тој посочи дека руската делегација се оглушува на сите барања на цивилизираниот и демократскиот свет.  ...