Сопругата на Претседателот, Ѓоргиевска во посета на гостиварската компанија „Касефичио Чезарина” и со поддршка на жените претприемачи

14 декември 2020 | Aктивности, Соопштенија

Сопругата на Претседателот, Елизабета Ѓоргиевска, денеска ја посети компанијата „Касефичио Чезарина”од Гостивар, која се занимава со производство на сирења и со која раководи успешната жена претприемач Гзиме Фејзи.

Во насока на нејзините заложби за поддршка на жените претприемачи и успешните бизниси, Ѓоргиевска упати честитки до раководството за амбициозните достигнувања и континуираното надградување на компанијата, што придонесува за нивната конкурентност во земјава и во странство.

Во рамки на посетата, вработените ја запознаа Ѓоргиевска со развојот на компанијата од идеја до реализација, за успешната примена на италијанското искуство во производството, како и со производниот процес и асортиман што го сочинуваат светски познати сирења, од моцарела до специјални сирења со вкус на чоколадо и кафе.

„Ме радува што женското претприемништво полека почнува да игра голема улога во Северна Македонија”,  истакна Ѓоргиевска, посочувајќи дека е потребна посилна институционална поддршка,  со цел поттик и поголем придонес за промоција на жените претприемачи.

Во разговорот беа посочени предизвиците и потешкотиите со кои се соочуваат компаниите поради пандемијата на Ковид-19, како и потребата од прилагодување на новите услови, но и неопходноста да не се напушта мотивацијата и упорноста во продолжување на успешните дејности.

„Вашата креативност, иновативност и пред се храброст да го прифатите ризикот и да го претворите во предност, говори за вашиот вистински претприемачки дух.„Касефичио Чезарина”е позитивен пример како да се искористат можностите што ги нуди нашата земја, и како со професионалност, упорност и работа се постигнуваат резултати”, порача Ѓоргиевска во разговорот со Гзиме Фејзи.

Ѓоргиевска додаде дека „Касефичио Чезарина” освен што придонесува за локалниот и домашниот економски развој, со својата конкурентност на странските пазари истовремено ја афирмира и нашата земја.

„Касефичио Чезарина”е основана во 2001 година и има добиено повеќе државни награди за успешна работа. Сопственичката на компанијата, Гзиме Фејзи, е претседател на Групација на женски претприемачи и добитник на плакета за најуспешна жена бизнисмен од нашата земја, доделена од Амбасадата на САД.

Категории

Categories

Kategori

Последни вести

Latest news

Lajmet e fundit

Претседателот Пендаровски се обрати на Светскиот самит за климатски активности во рамки на COP28

Претседателот Пендаровски се обрати на Светскиот самит за климатски активности во рамки на COP28

Претседателот Стево Пендаровски, во рамки на учеството на Конференцијата на Обединетите нации за климатски промени - COP28 која се одржува во Дубаи, Обединетите Арапски Емирати, денеска се обрати на Сегментот на високо ниво на Светскиот самит за климатски активности....

Средба на претседателот Пендаровски со претседателката на Европската банка за обнова и развој, Одил Рено-Басо во Дубаи

Средба на претседателот Пендаровски со претседателката на Европската банка за обнова и развој, Одил Рено-Басо во Дубаи

Претседателот Стево Пендаровски денеска во Дубаи, за време на неговото учество на Конференцијата на Обединетите нации за климатски промени - COP28, оствари средба со претседателката на Европската банка за обнова и развој, Одил Рено-Басо. ...

Средби на претседателот Пендаровски на маргините на Конференцијата на Обединетите нации за климатски промени – COP28 во Дубаи

Средби на претседателот Пендаровски на маргините на Конференцијата на Обединетите нации за климатски промени – COP28 во Дубаи

Претседателот Стево Пендаровски во рамки на учеството на Конференцијата на Обединетите нации за климатски промени – COP28 во Дубаи оствари кратки средби со британскиот крал Чарлс Трети, со кралот на Јордан Абдула Втори, со претседателката на Република Словенија Наташа...

Средба на генералниот секретар на Кабинетот на претседателот со заменик – министерот за надворешни работи на Јапонија

Средба на генералниот секретар на Кабинетот на претседателот со заменик – министерот за надворешни работи на Јапонија

Генералниот секретар на Кабинетот на претседателот Миле Бошњаковски, денеска прими делегација предводена од заменик – министерот за надворешни работи на Јапонија, Јоичи Фуказава, којашто престојува во земјава по повод учеството на Министерски совет на ОБСЕ. [gallery...

Претседателот Пендаровски присуствуваше на отворањето на Светскиот самит за климатски активности во рамки на COP28

Претседателот Пендаровски присуствуваше на отворањето на Светскиот самит за климатски активности во рамки на COP28

Претседателот Стево Пендаровски денеска во Дубаи, Обединетите Арапски Емирати, присуствуваше на отворањето на Светскиот самит за климатски активности, што се одржува во рамки на Конференцијата на Обединетите нации за климатски промени - COP28. [gallery...