Средба на претседателот Пендаровски со претставници од ромската заедница

8 април 2021 | Соопштенија

Претседателот Стево Пендаровски денеска ги прими Љатифа Шиковска, пратеничка во Собранието на Република Северна Македонија, Неждет Мустафа, претседател на Обединетата партија за еднаквост на Ромите – ОПЕР, Зоран Димов и Шенај Османов, претставници на Мрежата за застапување за трајни и системски решенија за интеграција на Ромите, кои побараа да се сретнат со претседателот Пендаровски за да го запознаат со состојбите  поврзани со ромската заедница.

На средбата се разговараше за актуелните предизвици за интеграција на ромската заедница во општествените текови, како и за приоритетните активности за подобрување на севкупната состојба на Ромите во земјава.

Соговорниците го запознаа претседателот Пендаровски со тековните процеси во државата поврзани со евидентирање на лицата без документација,  подобрување на домувањето во ромските населби, зголемување на можностите за вработување, како и со застапувањето за трајни системски решенија во насока на побрзо вклучување и интеграција на Ромите во државата.

Честитајќи го Меѓународниот ден на Ромите, претседателот Пендаровски истакна дека ромската заедница која е нераскинлив дел од нашето мултикултурно општество заедно со сите други народи во земјава придонесува во градењето и зачувувањето на заедничката татковина. Во насока на подобрување на интеграцијата на Ромите во нашето општество, претседателот Пендаровски ја изрази својата поддршка за заеднички ангажман на сите чинители во државата водејќи се од принципот на недискриминацијата, еднаквост и владеење на правото.

 

Категории

Categories

Kategori

Последни вести

Latest news

Lajmet e fundit

Студенти од Правниот факултет „Јустинијан Први“ во посета на Кабинетот на Претседателот

Студенти од Правниот факултет „Јустинијан Први“ во посета на Кабинетот на Претседателот

Кабинетот на Претседателот, денеска го посетија студенти од Правниот факултет „Јустинијан Први“, при Универзитетот „Св. Кирил и Методиј“ во Скопје. За време на престојот во Кабинетот се сретнаа со претседателот Пендаровски и...

Одбележување на 20-годишнината од загинувањето на претседателот Борис Трајковски и членови на делегацијата

Одбележување на 20-годишнината од загинувањето на претседателот Борис Трајковски и членови на делегацијата

Претседателот Стево Пендаровски, по повод одбележувањето на 20-годишнината од загинувањето на претседателот Борис Трајковски и членовите на делегацијата во авионската несреќа во Босна и Херцеговина, денеска положи венец со свежо цвеќе на гробот на претседателот Борис...

Претседателот Пендаровски се обрати на конференцијата „Украина – две години хероизам”

Претседателот Пендаровски се обрати на конференцијата „Украина – две години хероизам”

Претседателот Стево Пендаровски денеска се обрати на конференцијата „Украина – две години хероизам“ организирана од Амбасадата на Украина во Република Северна Македонија во соработка со невладината организација ЦИВИЛ – Центар за слобода, а која се одржа по повод 2...

Одбележување на 20-годишнината од загинувањето на претседателот Борис Трајковски и членовите на делегацијата

Одбележување на 20-годишнината од загинувањето на претседателот Борис Трајковски и членовите на делегацијата

Претседателот Стево Пендаровски, утре, 26 февруари 2024 година, понеделник, во 12:00 часот ќе положи свежо цвеќе на вечното почивалиште на претседателот Борис Трајковски и членовите на делегацијата, по повод одбележувањето на 20-годишнината од нивното загинување во...

Средба на претседателот Пендаровски со ректорката на УКИМ проф. д-р Билјана Ангелова

Средба на претседателот Пендаровски со ректорката на УКИМ проф. д-р Билјана Ангелова

Претседателот Стево Пендаровски денеска ја прими ректорката на Универзитетот „Свети Кирил и Методиј“ во Скопје проф. д-р Билјана Ангелова и проректорот за финансии, инвестиции и развој проф. д-р Лазо Пендовски. На средбата претседателот Пендаровски беше информиран за...