Претседателот Пендаровски за време на учеството на Минхенската безбедносна конференција, имаше средба со Томас Гомар, директорот на Францускиот институт за меѓународни односи (ИФРИ), водечки тинк тенк во Франција.
На средбата, претседателот имаше можност одблиску да се запознае со приоритетите на актуелното француско претседавање со Европската Унија, со акцент на проширувањето со Западниот Балкан, како и со активностите поврзани со Конференцијата за иднината на Европа – процеси во кои учествуваат и експерти од реномираниот тинк-тенк ИФРИ.
Претседателот Пендаровски го изрази своето задоволство од ангажманот на различните иницијативи преземени од страна на Франција, кои се насочени кон зајакнување на нејзиниот ангажман на Западниот Балкан, вклучително и најавениот Самит ЕУ – Западен Балкан во јуни оваа година.
