Претседателот Стево Пендаровски денес се сретна со Ване Цветанов, претседател на граѓанската организација „Зелена лупа“, која работи на владеење на правото, интегритет и функционалност на институциите и борбата против корупцијата.
На состанокот Цветанов го информираше Претседателот Пендаровски за тековните програми на организацијата и нивниот стратешки план за работа на активности за поддршка на фер третман на граѓаните од страна на правосудните органи во земјата.
Претседателот Пендаровски ја истакна својата поддршка за владеење на правото во Република Северна Македонија, како и поддршка за соработката на државните институции со граѓанскиот сектор во оваа област и повтори дека неговиот Кабинет останува отворен за граѓанските организации.
Меморандум за соработка за доопремување на Центарот за цистична фиброза при ЈЗУ Институт за белодробни заболувања кај децата, Козле, Скопје
Под покровителство на претседателот Стево Пендаровски, а по иницијатива на сопругата на Претседателот, г-а Елизабета Ѓоргиевска, Амбасадата на Народна Република Кина во земјава обезбеди финансиски средства кои ќе бидат донирани на Министерството за здравство за...
