Средба на претседателот Пендаровски со командантот на Националната Гарда на Вермонт, генерал-мајор Грегори Најт

17 август 2022 | Средби

Претседателот Стево Пендаровски денеска го прими командантот на Националната Гарда на Вермонт, генерал-мајор Грегори Најт.

На средбата се разговараше за соработката меѓу Армијата на Република Северна Македонија и Националната гарда на Вермонт, која се остварува преку обука на припадниците на двете армии, реализација на заеднички вежби, како и заедничко учество во мировни мисии.

Претседателот Пендаровски истакна дека Соединетите Американски Држави се наш клучен поддржувач од нашата независност до денес, а соработката во областа на одбраната која почнува од самото формирање на нашите вооружени сили во 1992 година постојано се унапредува и продлабочува. Како потврда за одличната соработка беше посочено заедничкото учество на воената вежба „Брз одговор 22“ на Криволак, спонзорирана од Армијата на САД во Европа заедно со силите од шест други членки на НАТО, а на која учествуваа околу 4.600 војници.

На средбата стана збор и за Декларацијата за стратешко партнерство и соработка од 2008 година и другите билатерални правни аранжмани, коишто обезбедуваат широка рамка за соработка, при што беше посочено дека имa потенцијал за продлабочување на стратешкото партнерство.

На средбата и претходеше свеченост во Кабинетот на Претседателот на која генерал-мајорот Грегори Најт му додели „Медал за заслуги“ на претседателот Пендаровски за особени достигнувања во периодот од 12 мај 2019 година до 9 јули 2022 година, како извонреден и важен поддржувач на државната програма за партнерство со Националната гарда на Вермонт.

Категории

Categories

Kategori

Последни вести

Latest news

Lajmet e fundit

Претседателот Пендаровски се обрати на затворањето на Летната школа за партиципативно управување и граѓанско – јавно партнерство

Претседателот Пендаровски се обрати на затворањето на Летната школа за партиципативно управување и граѓанско – јавно партнерство

Претседателот Стево Пендаровски денеска во Охрид се обрати на затворањето на Летната школа за партиципативно управување и граѓанско - јавно партнерство: „Liquid Frameworks, Solid Institutions — building participation from the bottom up” во организација на Кооператива...

Претседателот Пендаровски ја посети „Костал Македонија“ во Охрид

Претседателот Пендаровски ја посети „Костал Македонија“ во Охрид

Претседателот Стево Пендаровски денеска во Охрид ја посети фабриката „Костал Македонија“, дел од германската групација „КОСТАЛ“ за производство на делови и компoненти за автомобилската индустрија. За време на...

Обраќање на претседателот Пендаровски на јавна дебата: „Дискриминирачки говор на дигитални медиуми – состојба и предизвици“

Обраќање на претседателот Пендаровски на јавна дебата: „Дискриминирачки говор на дигитални медиуми – состојба и предизвици“

Претседателот Стево Пендаровски денеска се обрати на јавната дебата на тема „Дискриминирачки говор на дигитални медиуми – состојба и предизвици”, во организација на Комисијата за спречување и заштита од дискриминација (КСЗД) и Институтот за добро управување и...

Средба на претседателот Пендаровски со пратеници од Европскиот Парламент

Средба на претседателот Пендаровски со пратеници од Европскиот Парламент

Претседателот Стево Пендаровски денеска ги прими европратениците, Тинеке Стрик и Рајнхард Бутикофер, претставници од Зелените/Групата на Европска Слободна Алијанса, од Европскиот Парламент. На средбата беше разговарано за текот на евроинтеграциите на Северна...

Интервју на претседателот Пендаровски за Клан Дебата на ТВ Клан

Интервју на претседателот Пендаровски за Клан Дебата на ТВ Клан

Претседателот Стево Пендаровски во интервјуто за Клан Дебата ги искажува неговите видувања за последниот развој на настаните во Русија и Украина и повикот за мобилизација од страна на рускиот претседател. Претседателот ги коментираше и другите актуелни случувања во...