Select Page

Средба на претседателот Пендаровски со членовите на собраниската Комисија за одбрана и безбедност

16 септември 2019 | Соопштенија, Средби

Претседателот на Република Северна Македонија, Стево Пендаровски, оствари средба со членовите на Комисијата за одбрана и безбедност од Собранието на Република Северна Македонија.

На средбата присуствуваа членови и нивни заменици од власта и од опозицијата, пракса што според Претседателот треба да биде на сите состаноци и средби на кои се говори за безбедноста на државата.

„Јас сум претседател на сите, без разлика кој ме предложил или гласал за мене. На седницата на Советот за безбедност го поканив и лидерот на опозицијата. Така ќе правам и натаму, бидејќи одбраната и безбедноста на државата не се ничија лична работа“, рече претседателот Пендаровски.

Претседателот Пендаровски позитивно ги оцени реформите во безбедносната сфера и го истакна фактот дека се поддржани и од власта и од опозицијата.

На средбата беа разменети мислења за актуелната состојба во Република Северна Македонија во доменот на одбраната и безбедноста, како и за состојбата во регионот.

Претседателот Пендаровски ги информираше членовите на комисијата дека до сега 22 држави го завршија процесот на ратификација на Пристапниот протокол за членство на Северна Македонија во НАТО, додека кај преостанатите седум земји-членки нема политички пречки процесот да се заокружи.

Во контекст на безбедноста во регионот, став на државниот врв, информираше Претседателот, е дека промена на границите на Балканот е опасна идеја.

На средбата претседателот Пендаровски беше информиран за тековната работа на комисијата и за носењето на законите од безбедносната сфера. Членовите на комисијата позитивно ја оценија можноста за средба со Претседателот на Република Северна Македонија и ја нагласија неговата улога за надминување на поделбите во општеството. Претседателот Пендаровски посочи дека и во иднина редовно ќе се одржуваат заеднички координации и ќе има редовна комуникација со комисијата.

Обраќање на претседателот Пендаровски на свеченото отворање на „Охридско лето“

Обраќање на претседателот Пендаровски на свеченото отворање на „Охридско лето“

Претседателот на Република Северна Македонија, Стево Пендаровски, присуствуваше и се обрати на свеченото отворање на јубилејното 60-то издание на „Охридско лето“, во Античкиот театар во Охрид. Реномираниот меѓународен фестивал традиционално се одржува под...

Порака на претседателот Пендаровски по повод Европскиот ден за сеќавање на холокаустот врз Ромите и Синтите

Порака на претседателот Пендаровски по повод Европскиот ден за сеќавање на холокаустот врз Ромите и Синтите

Денес се сеќаваме на еден ужасен датум од историјата, кога околу 4300 Роми и Синти бea убиени во нацистичкиот логор Аушвиц-Биркенау за време на Втората светска војна. Таа мрачна идеологија овозможи да се случи најголемото зло во историјата, што предизвика загуба на...

Чествување на 2-ри Август, Ден на Републиката, Илинден

Чествување на 2-ри Август, Ден на Републиката, Илинден

Претседателот Стево Пендаровски, по повод 2-ри Август – Ден на Републиката, Илинден, денеска положи свежо цвеќе пред Меморијалниот центар АСНОМ – Пелинце. Делегации од Кабинетот на Претседателот денеска беа дел од...

Обраќање на претседателот Пендаровски на одбележувањето на државниот празник 2-ри Август – Илинден во Пелинце

Обраќање на претседателот Пендаровски на одбележувањето на државниот празник 2-ри Август – Илинден во Пелинце

Почитувани присутни, Драги пријатели, 2-ри август е исклучителен повод да се потсетиме и на историското и на современото значење на илинденската кауза. Таа историска епопеја не е само борба за слобода против тиранијата. Илинден, и Крушевскиот во 1903-та и АСНОМскиот...

Pin It on Pinterest