Средба на претседателот Пендаровски со Александер Шаленберг, сојузен министер за Европа, интеграција и надворешни работи на Република Австрија

7 октомври 2019 | Соопштенија, Средби

Претседателот на Република Северна Македонија, Стево Пендаровски, денеска го прими Александер Шаленберг, сојузен министер за Европа, интеграција и надворешни работи на Република Австрија.

На средбата претседателот Пендаровски ја истакна важноста на принципиелната поддршка на Австрија за аспирациите на Северна Македонија за членство во Европската унија. Во тој контекст, претседателот Пендаровски изрази очекување дека Европскиот Совет овој месец ќе донесе одлука за отпочнување на пристапните преговори за членство на Северна Македонија во Европската унија, што ќе биде силен импулс за натамошна реализација на суштинските реформи во државата до нејзиното идно членство во унијата.

Министерот Шаленберг посочи дека Австрија дава целосна поддршка на процесот на проширување, оценувајќи дека Северна Македонија испорача резултати и, како што рече, сега на ред е Брисел да испорача. Според министерот Шаленберг, позицијата на Австрија е јасна дека Европскиот Совет треба да даде зелено светло за почеток на пристапните преговори за членство на Северна Македонија во ЕУ.

На средбата беа разменети мислења за севкупните билатерални односи меѓу Република Северна Македонија и Република Австрија, кои годинава одбележуваат 25 години од воспоставувањето на дипломатските односи, како и за состојбите во регионот.

Претседателот Пендаровски истакна дека Северна Македонија придава особено значење на развојот на билатералните односи со Австрија, која е најголем странски инвеститор во државата. Двајцата соговорници изразија задоволство од редовните средби на високо и на највисоко ниво. Во тој контекст беше оценето дека претстојната официјална посета на претседателот Пендаровски на Австрија е потврда на цврстото пријателство меѓу двете држави.

Категории

Categories

Kategori

Последни вести

Latest news

Lajmet e fundit

Посета на ученици од ООУ „Ѓорги Сугарев” – Битола во рамки на Отворен Кабинет

Посета на ученици од ООУ „Ѓорги Сугарев” – Битола во рамки на Отворен Кабинет

Во пресрет на 3 декември, Меѓународниот ден на лицата со попреченост денеска се реализираше активноста Отворен Кабинет, во рамки на која Кабинетот на Претседателот на Република Северна Македонија го посетија ученици со атипичен развој од ООУ „Ѓорги Сугарев" - Битола....

Претседателот Пендаровски: Брзината на интеграцијата во ЕУ зависи најмногу од нас

Претседателот Пендаровски: Брзината на интеграцијата во ЕУ зависи најмногу од нас

Претседателот Стево Пендаровски, денеска се обрати на петтата пленарна сесија на Националната конвенција за Европска унија во Република Северна Македонија (НКЕУ-МК) што во организација на Европското движење се одржува во Собранието на Република Северна Македонија. Во...

Средба на претседателите Пендаровски и Штајнмајер со млади од Претседателскиот центар за политичко образование

Средба на претседателите Пендаровски и Штајнмајер со млади од Претседателскиот центар за политичко образование

Претседателот Стево Пендаровски и претседателот на Сојузна Република Германија, Франк-Валтер Штајнмајер денеска во Старата чаршија во Скопје остварија средба со Алумни членови на Претседателскиот центар за политичко образование и стипендисти на партнерските...

Претседателите Пендаровски и Штајнмајер во посета на Старата скопска чаршија

Претседателите Пендаровски и Штајнмајер во посета на Старата скопска чаршија

Претседателот Стево Пендаровски и претседателот на Сојузна Република Германија, Франк-Валтер Штајнмајер денеска ја посетија Старата скопска чаршија, како културно-историски дел од Скопје и симбол на македонското мултиетничко општество. [gallery...

Државна вечера во чест на претседателот на Сојузна Република Германија, Франк-Валтер Штајнмајер

Државна вечера во чест на претседателот на Сојузна Република Германија, Франк-Валтер Штајнмајер

По повод официјалната посета на претседателот на Сојузна Република Германија, Франк Валтер Штајнмајер, беше приредена државна вечера, на која беа поканети претставници од државниот врв, пратеници, претставници од политичките партии, како и стопанственици од бизнис...