Средба на претседателот Пендаровски со претседателот на Собранието на Република Албанија, Грамоз Ручи

26 октомври 2019 | Соопштенија, Средби

Претседателот на Република Северна Македонија, Стево Пендаровски оствари средба со претседателот на Собранието на Република Албанија, Грамоз Ручи, во рамки на официјалната посета на Република Албанија.

На средбата беа разменети мислења за севкупните односи меѓу Северна Македонија и Албанија при што, беше изразено задоволство од позитивните случувања во однос на конструктивната соработка, демонстрираната посветеност за зајакнување и продлабочување на билатералните и добрососедските односи преку динамизиран и континуиран политички дијалог како на билатерално, така и на мултилатерално ниво.

Претседателот Пендаровски рече дека нашиот сосед, Република Албанија е континуиран партнер во обезбедувањето на просперитет, стабилност, безбедност и европска перспектива на регионот. Досегашната парламентарна соработка меѓу двете земји е конструктивна и интензивна, а за нејзино продлабочување потребно е интензивирање на контактите помеѓу парламентарните тела и комисии.

Двајцата соговорници оценија дека двете земји имаат идентични надворешно-политички цели во врска со регионалната соработка и европските интеграции, кои се значајни предуслови за стабилност и просперитет на регионот.

Заблагодарувајќи се за поддршката на Република Албанија за членство на нашата земја во НАТО, претседателот Пендаровски рече дека од голема важност е што двете земји една со друга се поддржуваат и во однос на нивните аспирации за станување рамноправна членка на Европската унија. И покрај фактот дека нашите земји не добија датум за почеток на пристапните преговори на последниот Самит на ЕУ, според претседателот Пендаровски, треба да се продолжи со посветеноста кон остварување на нашите европски аспирации.

На средбата беа разгледани и можностите за продлабочување на билатералната соработка и можностите за унапредување на економските односи.

Категории

Categories

Kategori

Последни вести

Latest news

Lajmet e fundit

Претседателот Пендаровски на Самит во Брисел: ЕУ е најдобрата алтернатива и патеката од која нема да се откажеме

Претседателот Пендаровски на Самит во Брисел: ЕУ е најдобрата алтернатива и патеката од која нема да се откажеме

Претседателот Стево Пендаровски денеска во Брисел учествуваше на Самитот ЕУ - Западен Балкан во организација на аналитичкиот центар (тинк – тенк) Пријатели на Европа. На сесијата во рамки на Самитот,...

Претседателот Пендаровски во посета на Врховната команда на сојузничките сили за Европа на НАТО

Претседателот Пендаровски во посета на Врховната команда на сојузничките сили за Европа на НАТО

Претседателот Стево Пендаровски, денеска во Монс, Белгија ја посети Врховната команда на сојузничките сили за Европа на НАТО, каде оствари средба со Врховниот командант, генерал Кристофер Каволи. На средбата претседателот Пендаровски беше запознаен со тековните...

Претседателот Пендаровски во работна посета на Белгија

Претседателот Пендаровски во работна посета на Белгија

Претседателот Стево Пендаровски денеска - 7 декември 2022 година, среда, ќе престојува во работна посета на Кралството Белгија. Претседателот Пендаровски, во Монс, на церемонија со воени почести ќе биде пречекан од страна на Врховниот командант на сојузничките сили во...

Претседателот Пендаровски во посета на Ристо Донев интернационален мајстор во дописен шах

Претседателот Пендаровски во посета на Ристо Донев интернационален мајстор во дописен шах

Претседателот Стево Пендаровски денеска го посети 60-годишниот Ристо Донев, лице со церебрална парализа, носител на титулата интернационален мајстор во дописен шах. Тој го запозна претседателот Пендаровски со неговите шаховски...

Претседателот Пендаровски: Берлинскиот процес не е замена за полноправно членство во ЕУ туку инструмент за побрзо приклучување на сите шест држави од Западниот Балкан

Претседателот Пендаровски: Берлинскиот процес не е замена за полноправно членство во ЕУ туку инструмент за побрзо приклучување на сите шест држави од Западниот Балкан

Претседателот Стево Пендаровски денеска се обрати на конференцијата „Берлински процес 2022 - Интензивирана соработка: Обновениот Берлински процес и иднината на регионалната соработка во Југоисточна Европа“, во организација на Фондацијата „Фридрих Еберт“, во соработка...