Select Page

Средба на претседателот Пендаровски со шведскиот амбасадор Стафансон

20 мај 2019 | Средби

Претседателот на Република Северна Македонија, Стево Пендаровски, го прими амбасадорот на Кралството Шведска, Матс Стафансон.

Двајцата соговорници разменија мислења за севкупните билатерални односи меѓу Република Северна Македонија и Кралството Шведска, кои се карактеризираат со пријателство и заемно разбирање. Претседателот Пендаровски изрази очекување за натамошно продлабочување на билатералните односи меѓу двете држави, и посочи на потребата за интензивирање на комуникацијата на високо и на највисоко ниво.

На средбата претседателот Пендаровски ја истакна важноста на континуираната шведска поддршка за интеграција на Република Северна Македонија во Европската унија. Во таа насока, претседателот Пендаровски изрази очекување за скорешно одредување на датум за почеток на пристапните преговори со Европската унија, истакнувајќи дека идното членство на Република Северна Македонија и на земјите од регионот во Европската унија е важен предуслов за обезбедување на напредок и трајна стабилност.

Амбасадорот Стафансон на претседателот Пендаровски му пренесе честитки од шведскиот крал Карл XVI Густаф и од шведскиот премиер Стефан Ловен по повод стапувањето на функцијата и му посака успех во работата.

Честитка од претседателот Пендаровски по повод Меѓународниот ден на Бошњаците

Честитка од претседателот Пендаровски по повод Меѓународниот ден на Бошњаците

Претседателот Стево Пендаровски, по повод 28 Септември, Меѓународниот ден на Бошњаците, упати честитка до припадниците на бошњачката заедница во Република Северна Македонија. Почитувани сограѓани, Во мое лично име и во името на сите граѓани на Република Северна...

Сопругата на Претседателот со поддршка за подигнување на свеста  за   ракот   на   дојката

Сопругата на Претседателот со поддршка за подигнување на свеста за ракот на дојката

 Сопругата на Претседателот, Елизабета Ѓоргиевска денеска присуствуваше и се обрати на настанот за подигнување на свеста за ракот на дојката “Race for the cure“ во Градскиот парк. „Имаме двојна обврска во врска со...

Порака од претседателот Пендаровски по повод празникот Јом Кипур

Порака од претседателот Пендаровски по повод празникот Јом Кипур

Претседателот Стево Пендаровски, по повод одбележувањето на еврејскиот празник Јом Кипур, упати порака до претседателката на Еврејската заедница во Република Северна Македонија, Берта Романо-Николиќ и до сите припадници на Eврејската заедница во Република Северна...

Порака од претседателот Пендаровски по повод 50-годишнината на фестивалот за детски песни „Златно Славејче“

Порака од претседателот Пендаровски по повод 50-годишнината на фестивалот за детски песни „Златно Славејче“

По повод одржувањето на 50. издание на фестивалот „Златно Славејче“, претседателот Стево Пендаровски, како покровител на фестивалот упати порака по повод овој значаен јубилеј, посакувајќи им успех на сите учесници, во која истакна: „Веќе половина век фестивалот...

Pin It on Pinterest