Средба на претседателот Пендаровски со претседателот на Долниот дом на Парламентот на Италија, Роберто Фико

6 ноември 2019 | Соопштенија, Средби

Претседателот на Република Северна Македонија Стево Пендаровски, кој е во официјална посета на Република Италија, денеска се сретна и со Роберто Фико, претседател на Долниот дом на италијанскиот Парламент.

Двајцата соговорници оценија дека двете земји имаат одлични билатерални односи во повеќе области од взаемен интерес, кои се темелат на заедничка доверба и различни нивоа на институционално партнерство.

На средбата претседателот Пендаровски рече дека високо ја цени континуираната поддршка на италијанската Влада и на италијанскиот Парламент за нашиот пат кон евро-атлантските интеграции, заблагодарувајќи се за ратификацијата на Протоколот за пристапување во НАТО.

Претседателот Пендаровски, подвлекувајќи ја важноста за натамошно јакнење на меѓу-парламентарната соработка на билатерално ниво преку регионални форуми, додаде дека интензивирањето на соработката помеѓу парламентарните групи е важна алатка за зајакнување на севкупните билатерални односи помеѓу двете земји.

Во таа насока, беше истакната можноста за продлабочување на соработката и размена на искуства меѓу земјите-членки на формираната Група за пријателство во италијанскиот Парламент во која членуваат Италија, Северна Македонија, Косово и Босна и Херцеговина.

Категории

Categories

Kategori

Последни вести

Latest news

Lajmet e fundit

Средба со преставници на Лајонс дистрикт 132 – Северна Македонија и меѓународниот претседател  на организацијата, Брајан Шихан

Средба со преставници на Лајонс дистрикт 132 – Северна Македонија и меѓународниот претседател на организацијата, Брајан Шихан

Претседателот Стево Пендаровски денеска го прими Брајан Шихан, претседател на Меѓународната асоцијација на Лајонс клубови и претставници на Лајонс дистрикт 132 Северна Македонија, по повод 25-годишнината од нивната работа во нашата држава. [gallery...

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Стево Пендаровски денеска ги прими акредитивните писма на новоименуваниот амбасадор на Република Азербејџан за Република Северна Македонија, со седиште во Белград, Камил Касијев. На свечената церемонија на предавање...

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Ученици од ООУ„7 Марси“ од Липково и од ООУ „Љубен Лапе" од Скопје, во рамки на активноста Отворен Кабинет, денеска се сретнаа и поразговараа со претседателот Пендаровски за неговата работа, за претседателските надлежности и активности. [gallery...

Ѓоргиевска: Мора системски, институционално да се искорени дискриминацијата и задскриената маргинализација

Ѓоргиевска: Мора системски, институционално да се искорени дискриминацијата и задскриената маргинализација

Сопругата на претседателот, Елизабета Ѓоргиевска присуствуваше и се обрати на завршната регионална конференција „Предизвици со кои се соочуваат жените и девојчињата во регионот на патот кон ЕУ – Гласно и храбро ги поместуваме границите“. Конференцијата е во...

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...