Средба на претседателот Пендаровски со студенти од Институтот за специјална едукација и рехабилитација: Општество во кое има простор за сите има повеќе шанси за успех!

1 декември 2019 | Соопштенија, Средби

Претседателот на Република Северна Македонија, Стево Пендаровски заедно со неговата сопруга Елизабета Ѓеоргиевска, по повод одбележувањето на Меѓународниот ден на лицата со попреченост, денеска во МладиХаб се сретна и се дружеше со 40-тина студенти од Институтот за специјална едукација и рехабилитација.

Градејќи го духот на солидарност, почитување и прифаќање на различностите, претседателот Пендаровски истакна дека секој треба да ги почитува правата на лицата со попреченост и активно да се залага да се обезбедат подобри услови за живот и соодветен пристап до сите институции, достапност до образованите и здравствени институции, како и поголема застапеност на пазарот на труд.

„Не можам да не ви честитам на сите ваши напори за сиот труд во инклузијата на лицата со попреченост, како и за поддршката на студентите со попреченост и олеснување на нивното школување, рече претседателот Пендаровски и додаде дека е убеден дека по примерот на Филозофскиот факултет којшто треба да биде прв инклузивен факултет во 2020 година, ќе тргнат и останатите факултети и воопшто образовни институции.

Истовремено, како што истакна претседателот Пендаровски, неопходно е државата да има здравствени работници кои се обучени да детектираат и да работат со лица со попреченост, но и вистински да се вклучат овие луѓе во училиштата, а подоцна и на пазарот на трудот.

„Исто така мораме многу да вложиме во сензибилизирање на пошироката заедница, да ги намалиме предрасудите и стигмата, да ги прошириме видиците и да сфатиме дека општество во кое има простор за сите има повеќе шанси за успех, општество во кое различностите се прифаќаат, е општество во кое различните заедници можат интегрирано да живеат“, потенцираше претседателот Пендаровски и додаде:

„Секој ден треба да биде 3 декември, да сме постојано свесни за проблемите на лицата со попреченост и атипичен развој, да работиме на инклузија и да изнаоѓаме решенија преку кои ќе ја градиме солидарноста, ќе ја почитуваме и прифаќаме различноста. Јас сум отворен за секоја ваша инцијатива. На располагање го ставам мојот мандат, мојот авторитет, моето време, човечките ресурси во мојот кабинет за остварување на заедничките цели“.

Деканот на Филозoфскиот факултет, Ратко Дуев од своја страна истакна дека како прв инклузивен факултет, оваа институција во континуитет работи на обезбедување на подобри услови за живот на студентите со попреченост и на олеснување на процесот на нивно школување.

На настанот, Ивана Попова, студент од генерацијата 2014/15 од Институтот за специјална едукација и рехабилитација, доби парична награда во висина од 10.000 денари за постигнат највисок просек од 9,78, а парични награди во висина од 10.000 денари за особена посветеност во своето школување добија и Беира Салифовска, студент со оштетен вид од Институтот за специјална едукација и рехабилитација, како и Ангела Георгиева, студент на Филозофскиот факултет во Риека, Република Хрватска и Александар Аврамовски, студент на Економскиот и бизнис факултет во Марибор, Република Словенија.

Категории

Categories

Kategori

Последни вести

Latest news

Lajmet e fundit

Средба со преставници на Лајонс дистрикт 132 – Северна Македонија и меѓународниот претседател  на организацијата, Брајан Шихан

Средба со преставници на Лајонс дистрикт 132 – Северна Македонија и меѓународниот претседател на организацијата, Брајан Шихан

Претседателот Стево Пендаровски денеска го прими Брајан Шихан, претседател на Меѓународната асоцијација на Лајонс клубови и претставници на Лајонс дистрикт 132 Северна Македонија, по повод 25-годишнината од нивната работа во нашата држава. [gallery...

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Стево Пендаровски денеска ги прими акредитивните писма на новоименуваниот амбасадор на Република Азербејџан за Република Северна Македонија, со седиште во Белград, Камил Касијев. На свечената церемонија на предавање...

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Ученици од ООУ„7 Марси“ од Липково и од ООУ „Љубен Лапе" од Скопје, во рамки на активноста Отворен Кабинет, денеска се сретнаа и поразговараа со претседателот Пендаровски за неговата работа, за претседателските надлежности и активности. [gallery...

Ѓоргиевска: Мора системски, институционално да се искорени дискриминацијата и задскриената маргинализација

Ѓоргиевска: Мора системски, институционално да се искорени дискриминацијата и задскриената маргинализација

Сопругата на претседателот, Елизабета Ѓоргиевска присуствуваше и се обрати на завршната регионална конференција „Предизвици со кои се соочуваат жените и девојчињата во регионот на патот кон ЕУ – Гласно и храбро ги поместуваме границите“. Конференцијата е во...

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...