Select Page

Претседателот на Република Северна Македонија, Стево Пендаровски, денеска прими претставници на телекомските оператори. За време на средбата претставниците го информираа за нивните согледувања во однос на ставање во собраниска процедура на предлог – законот за изменување и дополнување на Законот за аудио и аудиовизуелни медиумски услуги предложен од група пратеници на 27 јануари оваа година.

Операторите од телеком секторот на средбата ги изложија нивните аргументи, односно зошто не се согласуваат со предлoжените измени.

Имајќи ја предвид комплексноста на ситуацијата, во текот на утрешниот ден претседателот Пендаровски ќе оствари средба и со претставниците на Македонска медиумска асоцијација на приватни национални телевизии со цел да биде запознаен и со нивниот аспект на согледување на состојбата.