Средба на претседателот Пендаровски со претставник на Еколошкото здружение на граѓани Фронт 21/42

7 февруари 2020 | Соопштенија, Средби

Претседателот на Република Северна Македонија, Стево Пендаровски, ја прими Искра Стојковска, основач и програмски координатор за зачувување на Охридскиот регион од Еколошкото здружение на граѓани Фронт 21/42. На средбата присуствуваше и претставник на Владата на Република Северна Македонија.

На средбата претседателот Пендаровски беше информиран за мисијата и досегашните активности на здружението во насока на зачувување на исклучителните универзални вредности на Охридскиот регион, односно спроведувањето на еколошката легислатива и унапредувањето на еколошката демократија.

Претседателот Пендаровски оцени дека односот кон животната средина во Северна Македонија веќе со децении бележи негативен тренд, нагласувајќи дека тоа е прашање кое што во никој случај не смее да им се препушти на идните генерации, туку да се дејствува веднаш, со одлучни и конкретни мерки.

Во таа насока Претседателот ги охрабри двете страни да соработуваат поинтензивно, бидејќи нивен заеднички интерес е заштита на културно богатство на Охрид и на Охридскиот регион.

Истовремено, претседателот Пендаровски го реафирмираше својот став дека сите треба да работиме за зачувување на Охрид како град на УНЕСКО. Тоа, како што нагласи претседателот Пендаровски е предизвик којшто наложува континуиран, системски и бескомпромисен ангажман во кој не смее да има никакви калкулации.

Категории

Categories

Kategori

Последни вести

Latest news

Lajmet e fundit

Отворен кабинет со деца од Детската градинка „8 Април“ и основци од скопските училишта „Димитар Македонски “, „Киро Глигоров“ и „Кузман Јосифовски-Питу“

Отворен кабинет со деца од Детската градинка „8 Април“ и основци од скопските училишта „Димитар Македонски “, „Киро Глигоров“ и „Кузман Јосифовски-Питу“

Во рамки на активноста Отворен кабинет, денеска Кабинетот на претседателот го посетија деца од Детската градинка „8 Април“ од Шуто Оризари и ученици од основните училишта „Димитар Македонски“ од Аеродром, „Киро Глигоров“ од Центар и „Кузман Јосифовски-Питу“ од Кисела...

Средба на претседателот Пендаровски со претставници на ромски фондации

Средба на претседателот Пендаровски со претставници на ромски фондации

  Претседателот Стево Пендаровски денеска прими претставници на Ромската Фондација за Европа и Фондацијата Ромите за демократија Скопје. На средбата соговорниците го запознаа претседателот Пендаровски со планираните активности на...

Обраќање на претседателот Пендаровски на комеморативниот настан по повод 20-годишнината од загинувањето на претседателот Борис Трајковски и членовите на делегацијата

Обраќање на претседателот Пендаровски на комеморативниот настан по повод 20-годишнината од загинувањето на претседателот Борис Трајковски и членовите на делегацијата

Претседателот Стево Пендаровски вчеравечер се обрати на комеморативниот настан по повод 20-годишнината од загинувањето на претседателот Борис Трајковски и членовите на делегацијата, што се одржа во Националната опера и балет. На комеморативниот настан присуствуваа...

Студенти од Правниот факултет „Јустинијан Први“ во посета на Кабинетот на Претседателот

Студенти од Правниот факултет „Јустинијан Први“ во посета на Кабинетот на Претседателот

Кабинетот на Претседателот, денеска го посетија студенти од Правниот факултет „Јустинијан Први“, при Универзитетот „Св. Кирил и Методиј“ во Скопје. За време на престојот во Кабинетот се сретнаа со претседателот Пендаровски и...

Одбележување на 20-годишнината од загинувањето на претседателот Борис Трајковски и членови на делегацијата

Одбележување на 20-годишнината од загинувањето на претседателот Борис Трајковски и членови на делегацијата

Претседателот Стево Пендаровски, по повод одбележувањето на 20-годишнината од загинувањето на претседателот Борис Трајковски и членовите на делегацијата во авионската несреќа во Босна и Херцеговина, денеска положи венец со свежо цвеќе на гробот на претседателот Борис...