Трет модул на Школата за политики при Претседателскиот центар за политичко образование

4 септември 2021 | Соопштенија

 

Викендов се одржува третиот модул на Школата за политики при Претседателскиот центар за политичко образование во соработка со партнерската фондација „Конрад Аденауер“, канцеларија во Северна Македонија.

 

Учесниците на Школата за политики во рамки на третиот модул имаат можност да ги унапредат своите знаења во областа на надворешната политика, европските интеграции и регионалната соработка.

Третиот модул на Школата за политики го отворија проф. д-р Александар Љ. Спасов, претседател на Програмскиот совет на Претседателскиот центар за политичко образование и советник на претседателот Пендаровски за уставни прашања и  Даниел Браун, директор на фондацијата „Конрад Аденауер“ во Северна Македонија. Тие ја истакнаа важноста на политичкото образование за зајакнување на политичкиот и општествениот дијалог во државата како клучен услов за реализација на стратешката цел за изградба на просперитетно и демократско општество и успешна интеграција во Европската Унија. Во продолжение на првата сесија се обрати и европратеничката Марион Валсман, потпретседателка на заеднички парламентарен комитет на делегацијата на ЕУ во Северна Македонија. Валсман ја повтори безрезервната поддршка на Европскиот парламент за почеток на пристапните преговори за членство на Северна Македонија во Европската Унија, а во рамките на своето обраќање ги сподели и искуствата од соработката со Собранието во рамките на дијалогот „Жан Моне“.

Третиот модул се реализира со учество на еминентни гости и предавачи од земјата и од странство. Mинистерката за одбрана на Република Северна Македонија,  Радмила Шекеринска – Јанковска, се осврна на придобивките од членството во НАТО и неговата клучна улога во зајакнувањето на националната и регионалната безбедност. Поранешниот вицепремиер за европски прашања и поранешен амбасадор во САД, Васко Наумовски, поранешниот министер за надворешни работи  Никола Попоски и амбасадорката и шефица на мисијата на Северна Македонија во ЕУ Агнеза Руси дебатираа за влијанието на надворешните актери и дипломатскиот предизвик за Северна Македонија на нејзиниот пат кон ЕУ. Советникот на претседателот Пендаровски за надворешна политика, амбасадорот Гоце Карајанов одржа презентација за новите трендови во дипломатската пракса во контекст на дипломатското искуство на нашата држава. Професорите од универзитетите „Св. Климент Охридски“ и „Мајка Тереза“ д-р Марјан Ѓуровски и  Ризван Сулејмани, заедно со извршниот директор на Здружението на новинарите на Македонија, Драган Секуловски, дебатираа за влијанието на надворешните актери во регионот врз регионалната безбедност. Говорејќи за закрепнувањето по пандемијата со КОВИД-19, пратеникот Тимчо Муцунски и советникот за надворешна политика на претседателот на Владата Едмонд Адеми, заедно со професорот Бодо Херцог од Универзитетот во Ројтлинген во Германија и професорот Матео Спахо од Универзитетот „Луараси“ од Тирана, Албанија, ги анализираа предизвиците на државите кандидатки за членство во ЕУ и нивните тековни односи со ЕУ.

Во текот на утрешниот ден, директорот на Секретаријатот на транспортната заедница на ЈИЕ,  Матеј Закоњшек, претседателот на Индустриската комора при Сојузот на стопански комори, Трајан Ангеловски и советникот за економски прашања во Владата, Јоханес Хајдекер ќе дебатираат за можностите и механизмите за регионална соработка на земјите од западен Балкан на нивниот пат кон интеграција во Европската Унија, со фокус на економската соработка и инфраструктурната поврзаност. На крајот од модулот, резидентниот директор на Регионалната организација за младинска соработка за Северна Македонија,  Владимир Ѓорѓевски и Миша Поповиќ од Институтот за демократија „Социетас Цивилис“ ќе се осврнат на можностите и механизмите за регионална соработка на државите од западниот Балкан во областа на младинската политика.

 

 

Категории

Categories

Kategori

Последни вести

Latest news

Lajmet e fundit

Претседателот Пендаровски го посети Националниот институт за ориентални јазици и цивилизации – ИНАЛКО во Париз

Претседателот Пендаровски го посети Националниот институт за ориентални јазици и цивилизации – ИНАЛКО во Париз

Претседателот Стево Пендаровски денеска во Париз го посети Националниот институт за ориентални јазици и цивилизации – ИНАЛКО, каде што оствари средба со Жан-Франсоа Хуше, претседател на ИНАЛКО и средба со Фроса Пејоска-Бушеро, шеф на Катедрата за македонски студии при...

Конференција „30 години македонско-германски дипломатски односи: Билатерална соработка и развојна поддршка со Северна Рајна – Вестфалија“ во организација на ПЦПО

Конференција „30 години македонско-германски дипломатски односи: Билатерална соработка и развојна поддршка со Северна Рајна – Вестфалија“ во организација на ПЦПО

Во организација на Претседателскиот центар за политичко образование денеска во Скопје се одржа конференција на тема „30 години македонско-германски дипломатски односи: Билатерална соработка и развојна поддршка со Северна Рајна - Вестфалија“. На отворањето на...

Консултативна средба за предлог-Законот за донирање на вишок на храна во Кабинетот на претседателот

Консултативна средба за предлог-Законот за донирање на вишок на храна во Кабинетот на претседателот

Во Кабинетот на претседателот денеска сопругата на претседателот, Елизабета Ѓоргиевска беше домаќин на консултативна средба за предлог-Законот за донирање на вишок на храна. На средбата присуствуваа министерката за труд и социјална политика, Јована Тренчевска,...

Порака од претседателот Пендаровски по повод Меѓународниот ден на Франкофонијата

Порака од претседателот Пендаровски по повод Меѓународниот ден на Франкофонијата

Претседателот Стево Пендаровски по повод Меѓународниот ден на Франкофонијата – 20 Mарт, ја упати следната порака: Денес го одбележуваме Меѓународниот ден на Франкофонијата. За Република Северна Македонија, членството во Меѓународната организација на Франкофонијата е...

Претседателот Пендаровски во посета на Париз по повод одбележувањето на 100-годишнината од раѓањето на Ацо Шопов

Претседателот Пендаровски во посета на Париз по повод одбележувањето на 100-годишнината од раѓањето на Ацо Шопов

Претседателот Стево Пендаровски од денеска престојува во работна посета на Француската Република, по повод одбележувањето на 100-годишнината од раѓањето на македонскиот поет Ацо Шопов. Претседателот Пендаровски утре – 21 март 2023 година, вторник, во седиштето на...