Учество на претседателот Пендаровски на дебата на тема „Безбедна младина, посигурна иднина“

11 декември 2019 | Соопштенија, Средби

Претседателот на Република Северна Македонија, Стево Пендаровски, денеска на Универзитетот ФОН учествуваше на дебата на тема „Безбедна младина, посигурна иднина“, којашто се одржа во рамките на НАТО караванот на Инфо центарот за евроатлантски интеграции.

Во своето обраќање пред студентите, претседателот Пендаровски нагласи дека во 70 годишното постоење на НАТО, Алијансата постојано се менува, и денес освен традиционалните закани, на агендата се и сајбер заканите, верскиот екстремизам, политичката пропаганда, лажните вести. Претседателот потенцираше дека НАТО е фактор на стабилноста и се осврна на придобивките од нашето членство во Алијансата.

„Сите етнички заедници кај нас го поддржуваат членството во НАТО. Дури и најновите анкети кои ги видов, а кои ја мерат поддршката за наше членство таму, која е некаде над 70 проценти. Ако ги разбиете по етнички заедници покажуваат дека огромно мнозинство од сите, ама буквално од сите и наведени и ненаведени етнички заедници во Уставот поддржуваат членство во НАТО. Ова преведено значи дека НАТО е фактор на стабилност внатре кај нас, што значи ја засилува внатрешната кохезија. Тоа не беше случај со некои последни земји членки на НАТО каде што значајни делови од популацијата не сакаат нивната земја да биде членка во таа Алијанса. Или некои држави кои допрва чекаат да станат членки како што се Украина или Грузија, каде што значајни делови од популацијата не сакаат нивната држава да членува таму, што значи дека тоа е фактор на разединување во тие држави“, рече претседателот Пендаровски.

Важно прашање кога се зборува за НАТО, е колку средства ќе треба да одвојуваме годишно, нагласи Претседателот, посочувајќи ги како шпекулација тврдењата дека тоа ќе го сруши нашиот буџет.  Во моментот кога Северна Македонија ќе влезе во НАТО, на годишно ниво ќе одвојуваме околу 2 до 2,5 милиони евра. За возврат, посочи Претседателот, добиваме многу, особено во очите на потенцијалните странски инвеститори, бидејќи Северна Македонија ќе биде држава со предвидлива иднина и со територија која ќе ја гарантираат другите земји-членки на НАТО.

Претседателот во своето обраќање го посочи и Брегзит како тема која го преокупира нашиот континент и пошироко во изминатите години.

„Има некои политичари во други земји членки на Европската унија, кои заговараат Брегзит или излегувања од Европската унија за нивните држави. Тоа се уште не се доминантни политички движења во тие држави, ниту имаат доминантна поддршка од граѓаните. Меѓутоа, можете да чуете дека некој размислува да излезе од Европската унија, но никој релевантен, ниту еден релевантен политичар не размислува да ја извлече својата земја од НАТО. Значи Брегзит е невозможен во НАТО“ заклучи Претседателот во обраќањето.

Амасадорката на Велика Британија Рејчел Галовеј, која учествуваше во дебатата рече дека НАТО е најуспешниот сојуз во историјата и дека со нетрпение очекуваат Северна Македонија да стане членка на Алијансата.

Категории

Categories

Kategori

Последни вести

Latest news

Lajmet e fundit

Средба со преставници на Лајонс дистрикт 132 – Северна Македонија и меѓународниот претседател  на организацијата, Брајан Шихан

Средба со преставници на Лајонс дистрикт 132 – Северна Македонија и меѓународниот претседател на организацијата, Брајан Шихан

Претседателот Стево Пендаровски денеска го прими Брајан Шихан, претседател на Меѓународната асоцијација на Лајонс клубови и претставници на Лајонс дистрикт 132 Северна Македонија, по повод 25-годишнината од нивната работа во нашата држава. [gallery...

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Стево Пендаровски денеска ги прими акредитивните писма на новоименуваниот амбасадор на Република Азербејџан за Република Северна Македонија, со седиште во Белград, Камил Касијев. На свечената церемонија на предавање...

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Ученици од ООУ„7 Марси“ од Липково и од ООУ „Љубен Лапе" од Скопје, во рамки на активноста Отворен Кабинет, денеска се сретнаа и поразговараа со претседателот Пендаровски за неговата работа, за претседателските надлежности и активности. [gallery...

Ѓоргиевска: Мора системски, институционално да се искорени дискриминацијата и задскриената маргинализација

Ѓоргиевска: Мора системски, институционално да се искорени дискриминацијата и задскриената маргинализација

Сопругата на претседателот, Елизабета Ѓоргиевска присуствуваше и се обрати на завршната регионална конференција „Предизвици со кои се соочуваат жените и девојчињата во регионот на патот кон ЕУ – Гласно и храбро ги поместуваме границите“. Конференцијата е во...

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...