Честитка од претседателот Пендаровски по повод еврејскиот празник Ханука

17 декември 2020 | Соопштенија

Претседателот Стево Пендаровски по повод еврејскиот празник Ханука, упати честитка до г-ѓа Берта Романо-Николиќ, претседател на Еврејската заедница на Република Северна Македонија, како и до сите припадници на Eврејската заедница во Република Северна Македонија.

Почитувана г-ѓа Романо-Николиќ,

Вам и на припадниците на Еврејската заедница во Република Северна Македонија ви го честитам големиот еврејски празник на светлината – Ханука.

Ханука е потсетување на воената победа на Макабејците со која Евреите ја одбраниле фундаменталната слобода на вероисповед, го ослободиле Ерусалим и, палејќи ги свеќниците на Менората, одново го посветиле Храмот. Но, Ханука е и празнување на една потрајна духовна победа. Еврејскиот народ успеа да ги преживее сите раселувања, прогони, погроми што кулминираа со Холокаустот затоа што не се откажа од надежта. Во таа смисла, светлината на Ханука трае до ден денес.

Надежта ни е особено потребна во овој период на глобална неизвесност поради пандемијата на КОВИД-19. И покрај бројните предизвици, ние во Република Северна Македонија мора да продолжиме да градиме солидарно, праведно и слободно општество во кое ќе се почитува вредноста на човековиот живот и различноста како вредност на општеството. Уверен сум дека Еврејската заедница ќе продолжи да дава значаен придонес кон нашата заедничка иднина.

Честитајќи го празникот на светлината и надежта, на сите припадници на Еврејската заедница во земјава им посакувам мир, благосостојба и пред се, многу здравје.

Хаг Ханука Самеах

Стево Пендаровски

Категории

Categories

Kategori

Последни вести

Latest news

Lajmet e fundit

Претседателот Пендаровски: Берлинскиот процес не е замена за полноправно членство во ЕУ туку инструмент за побрзо приклучување на сите шест држави од Западниот Балкан

Претседателот Пендаровски: Берлинскиот процес не е замена за полноправно членство во ЕУ туку инструмент за побрзо приклучување на сите шест држави од Западниот Балкан

Претседателот Стево Пендаровски денеска се обрати на конференцијата „Берлински процес 2022 - Интензивирана соработка: Обновениот Берлински процес и иднината на регионалната соработка во Југоисточна Европа“, во организација на Фондацијата „Фридрих Еберт“, во соработка...

Учество на сопругата на претседателот на одбележувањето на 3 Декември – Меѓународниот ден на лицата со попреченост

Учество на сопругата на претседателот на одбележувањето на 3 Декември – Меѓународниот ден на лицата со попреченост

Сопругата на претседателот, Елизабета Ѓоргиевска денеска го посети Државното средно училиште за образование и рехабилитација „Искра“ во  Штип кадешто присуствуваше на одбележувањето на 3 Декември – Меѓународниот ден на лицата со попреченост. [gallery...

Посета на ученици од ООУ „Ѓорги Сугарев” – Битола во рамки на Отворен Кабинет

Посета на ученици од ООУ „Ѓорги Сугарев” – Битола во рамки на Отворен Кабинет

Во пресрет на 3 декември, Меѓународниот ден на лицата со попреченост денеска се реализираше активноста Отворен Кабинет, во рамки на која Кабинетот на Претседателот на Република Северна Македонија го посетија ученици со атипичен развој од ООУ „Ѓорги Сугарев" - Битола....

Претседателот Пендаровски: Брзината на интеграцијата во ЕУ зависи најмногу од нас

Претседателот Пендаровски: Брзината на интеграцијата во ЕУ зависи најмногу од нас

Претседателот Стево Пендаровски, денеска се обрати на петтата пленарна сесија на Националната конвенција за Европска унија во Република Северна Македонија (НКЕУ-МК) што во организација на Европското движење се одржува во Собранието на Република Северна Македонија. Во...

Средба на претседателите Пендаровски и Штајнмајер со млади од Претседателскиот центар за политичко образование

Средба на претседателите Пендаровски и Штајнмајер со млади од Претседателскиот центар за политичко образование

Претседателот Стево Пендаровски и претседателот на Сојузна Република Германија, Франк-Валтер Штајнмајер денеска во Старата чаршија во Скопје остварија средба со Алумни членови на Претседателскиот центар за политичко образование и стипендисти на партнерските...