Честитка од претседателот Пендаровски по повод 8 Април ‒ Меѓународниот ден на Ромите

8 април 2021 | Соопштенија

Претседателот Стево Пендаровски по повод 8 Април ‒ Меѓународниот ден на Ромите, упати честитка до припадниците на ромската заедница во Република Северна Македонија.

Почитувани сограѓани Роми,

Дозволете ми да ви го честитам 8 Април, Меѓународниот ден на Ромите и да ви посакам добро здравје, среќа и елан за заеднички да ја унапредиме состојбата на ромската заедница во Република Северна Македонија. Во оваа прилика би сакал да ја искажам мојата почит кон вашиот придонес во збогатувањето на македонското  мултиетничко и мултикултурно општество.

Ви ја честитам 50 годишнината од Првиот ромски конгрес во 1971 година во Лондон,  кога активисти од Европа ги потврдиле ромското знаме, химна, јазик, култура и ромскиот идентитет на повеќе од 12 милиони Роми во Европа. Педесет години по Првиот ромски конгрес имаме генерациска должност да изградиме општество каде што ќе ги вреднуваме разликите, ќе го почитуваме достоинството и ќе обезбедиме рамноправно учество на сите граѓани подеднакво во донесувањето на одлуки за важни суштински прашања за нашата држава.

Сите заедно целиме кон градење на солидарно, праведно и слободно општество кое ја почитува различноста и човековото достоинство. Не само на 8 април, туку и во текот на целата година ја продолжуваме заедничката борба затоа што предизвиците, потребите и одговорностите на ромската заедница како и на сите останати граѓани, се секојдневни.

Драги пријатели,

Годинава, Меѓународниот ден на Ромите го одбележуваме во услови на глобална пандемија со КОВИД-19, која токму овој период, со најголема жестина досега, ги загрозува животите на сите македонски граѓани. Пандемијата нè потсети дека сите сме ранливи, а најмногу страдаат оние што се на маргините од општеството. Сите ние заедно, во нашите секојдневни улоги на политичари, членови на институции и невладини организации, активисти, медиумски работници, граѓани, сме одговорни да бидеме проактивни за да ја победиме пандемијата, но и да ги решиме наталожените проблеми со кои секојдневно се соочуваме за да можеме да изградиме просперитетна и сигурна иднина за секого.

Нека ни е честит 8 Април ‒ Меѓународниот ден на Ромите!

Bahtalo о 8. April sa e Romenge!

Стево Пендаровски 

///

Pakjivale barabarutne dizutne Roma!

Mangava te bahtakerav tumenge o 8. April, e Romengoro Maškardžijaneskoro Dive thaj mangava tumenge šukar sastipe, baht thaj elani baši barabarutno anglunikeribe e romane khedinakoro hali ki Republika Utarali Makedonia. Akale šajdipaste, mangava te sikavav mi sajgia kori tumaro dendipe baši barvakeribe taro makedonikano multietnikano thaj multikulturnikano sasoitnipe.

Bahtakerava tumenge o 50 beršipe tar Avgo Romengoro Kongresi ko 1971 berš ko London kana aktivistia tari Europa angigargje o romano bajrako, himna, čhib, kultura thaj romano identiteti taro pobut taro 12 milionia Roma ki Europa. Pinda berša pala ko Avgo Romengoro Kongresi  si amen generaciakiri obligacia te tamirina sasoitnipe kote so ka moldina o turlipa, ka sajdina o digniteti thaj ka kera jekajek hakajalo thanleibe sa e dizutnenge jekhutneste ko anibe decizie baše džanle pučiba amare raštrake.

Sarine barabar resarinaja kori tamiribe solidarnikano, hakajalo thaj tromalo sasoitnipe kova sajdinela o turlipe thaj manušikano digniteti. Na salde ko 8 april, numa thaj ko vakti taro sahno berš džaja ponodorig e barabarutne marebaja soske o pharipena, zaruria thaj responsabilitetia tari romani khedin, sar thaj tare sa o aver dizutne, si sakodiveskere.

Pakjivale amalalen,

Akava berš, e Romengoro Maškardžijaneskoro Dive nišankeraja ole ko kondicie tari globalnikani pandemia e Kovidea-19, savi baš ko akava periodi, majbare zoralipaja džiakana, bilačhekerela o dživdipa tare sa e makedoniakere dizutne. I pandemia dengja amen godi kaj sijam biarakhutne, a majbut si pharo odolenge kola si ko margine taro sasoitnipe. Sarine barabar, amare sakodiveskere roljende sar politikane džene, džene ko institucie thaj biradžakere organizacie, aktivistia, mediumeskere bukjarne, dizutne, sijam responsabilnikane te ova proaktivnikane ki te kamijabikera upri pandemia, numa thaj te čhinava o khedime problemia kolencar sakodive arakhaja amen ki te šaj te tamirina prosperiteteskoro thaj sigurime avutnipe sakoneske.

Bahtalo о 8. April sa e Romenge!

StevoPendarovski

Категории

Categories

Kategori

Последни вести

Latest news

Lajmet e fundit

Средба со преставници на Лајонс дистрикт 132 – Северна Македонија и меѓународниот претседател  на организацијата, Брајан Шихан

Средба со преставници на Лајонс дистрикт 132 – Северна Македонија и меѓународниот претседател на организацијата, Брајан Шихан

Претседателот Стево Пендаровски денеска го прими Брајан Шихан, претседател на Меѓународната асоцијација на Лајонс клубови и претставници на Лајонс дистрикт 132 Северна Македонија, по повод 25-годишнината од нивната работа во нашата држава. [gallery...

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Пендаровски ги прими акредитивите на новоименуваниот амбасадор на Азербејџан, Камил Касијев

Претседателот Стево Пендаровски денеска ги прими акредитивните писма на новоименуваниот амбасадор на Република Азербејџан за Република Северна Македонија, со седиште во Белград, Камил Касијев. На свечената церемонија на предавање...

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Посета на ученици од ООУ „7 Марси“ и ООУ „Љубен Лапе” во рамки на Отворен Кабинет

Ученици од ООУ„7 Марси“ од Липково и од ООУ „Љубен Лапе" од Скопје, во рамки на активноста Отворен Кабинет, денеска се сретнаа и поразговараа со претседателот Пендаровски за неговата работа, за претседателските надлежности и активности. [gallery...

Ѓоргиевска: Мора системски, институционално да се искорени дискриминацијата и задскриената маргинализација

Ѓоргиевска: Мора системски, институционално да се искорени дискриминацијата и задскриената маргинализација

Сопругата на претседателот, Елизабета Ѓоргиевска присуствуваше и се обрати на завршната регионална конференција „Предизвици со кои се соочуваат жените и девојчињата во регионот на патот кон ЕУ – Гласно и храбро ги поместуваме границите“. Конференцијата е во...

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...