Честитки до претседателот Пендаровски по повод Денот на независноста на Република Северна Македонија

8 септември 2019 | Соопштенија

По повод 8 Септември, Денот на независноста на Република Северна Македонија, писма со честитки до претседателот Пендаровски испратија следниве шефови на држави.

Претседателот на Република Србија, Александар Вучиќ во писмото со честитки до претседателот Пендаровски изразува желби за напредок на Република Северна Македонија и благосостојба на нејзините граѓани. „Уверен сум дека со заеднички напори ќе продолжиме да ја развиваме соработката на нашите две земји, во интерес на мирот и стабилноста во регионот и економска добробит на нашите народи“, пишува српскиот претседател во честитката по повод Денот на независноста на Република Северна Македонија.

Албанскиот претседател Илир Мета во честитката до претседателот Пендаровски изразува убеденост дека одличните меѓусоседски односи и соработка, кои постојат меѓу двете земји и народи и понатаму ќе се зацврстуваат во иднина. „Горди сме за исклучителниот придонес на Албaнците во Северна Македонија што го даваат за стабилноста и евроатлантската интегрaција на земјата. Убеден сум дека македонската заедница во нашата земја ќе продолжи да биде силен мост на пријателство и соработка меѓу нашите две земји и народи. Убеден сум дека нашите земји тесно ќе соработуваат во рамките на Северноатлантската алијанса, како и во заедничкиот пат кон ЕУ“, се вели во честитката од албанскиот претседател по повод независноста на Република Северна Македонија.

Стабилност, просперитет и многу успех на Република Северна Македонија и на сите нејзини граѓани во својата честитка посака Зузана Чапуткова, претседателка на Словачката Република. „Ме радува дека односите меѓу нашите земји се многу блиски и пријателски, за што сведочи и долгорочната политичка и практична поддршка на реформите и интеграциските амбиции на Вашата земја од страна на Словачката Република. Цврсто верувам дека наскоро напорите на Вашата земја ќе придонесат за отворање на преговори за пристапување во Европската унија“, стои во честитката испратена од претседателката на Словачката Република, Зузана Чапуткова.

И претседателот на Швајцарската Конфедерација, Ули Маурер упати честитка по повод 8 Септември, Денот на независноста на Република Северна Македонија. „Швајцарија е посветена на одржување на силни релации со Република Северна Македонија и очекуваме тие релации заеднички да ги надградиме“, се вели во честитката од претседателот на Швајцарската конфедерација Маурер.

По повод Денот на независноста, 8 Септември, писма со честитки до претседателот Пендаровски упатија и Кралицата на Обединетото Кралство на Велика Британија и Северна Ирска, Елизабета  II и Кралот на Холандија, Вилем Александер, со желби за благосостојба, среќа и просперитет на граѓаните на Република Северна Македонија.

Категории

Categories

Kategori

Последни вести

Latest news

Lajmet e fundit

Учество на сопругата на претседателот на одбележувањето на 3 Декември – Меѓународниот ден на лицата со попреченост

Учество на сопругата на претседателот на одбележувањето на 3 Декември – Меѓународниот ден на лицата со попреченост

Сопругата на претседателот, Елизабета Ѓоргиевска денеска го посети Државното средно училиште за образование и рехабилитација „Искра“ во  Штип кадешто присуствуваше на одбележувањето на 3 Декември – Меѓународниот ден на лицата со попреченост. [gallery...

Посета на ученици од ООУ „Ѓорги Сугарев” – Битола во рамки на Отворен Кабинет

Посета на ученици од ООУ „Ѓорги Сугарев” – Битола во рамки на Отворен Кабинет

Во пресрет на 3 декември, Меѓународниот ден на лицата со попреченост денеска се реализираше активноста Отворен Кабинет, во рамки на која Кабинетот на Претседателот на Република Северна Македонија го посетија ученици со атипичен развој од ООУ „Ѓорги Сугарев" - Битола....

Претседателот Пендаровски: Брзината на интеграцијата во ЕУ зависи најмногу од нас

Претседателот Пендаровски: Брзината на интеграцијата во ЕУ зависи најмногу од нас

Претседателот Стево Пендаровски, денеска се обрати на петтата пленарна сесија на Националната конвенција за Европска унија во Република Северна Македонија (НКЕУ-МК) што во организација на Европското движење се одржува во Собранието на Република Северна Македонија. Во...

Средба на претседателите Пендаровски и Штајнмајер со млади од Претседателскиот центар за политичко образование

Средба на претседателите Пендаровски и Штајнмајер со млади од Претседателскиот центар за политичко образование

Претседателот Стево Пендаровски и претседателот на Сојузна Република Германија, Франк-Валтер Штајнмајер денеска во Старата чаршија во Скопје остварија средба со Алумни членови на Претседателскиот центар за политичко образование и стипендисти на партнерските...

Претседателите Пендаровски и Штајнмајер во посета на Старата скопска чаршија

Претседателите Пендаровски и Штајнмајер во посета на Старата скопска чаршија

Претседателот Стево Пендаровски и претседателот на Сојузна Република Германија, Франк-Валтер Штајнмајер денеска ја посетија Старата скопска чаршија, како културно-историски дел од Скопје и симбол на македонското мултиетничко општество. [gallery...