Ѓоргиевска на Меѓународниот ден на жените и девојките научнички: Заедно треба да работиме на надминување на бариерите за девојките и жените во науката

11 февруари 2021 | Aктивности, Соопштенија

На иницијатива на сопругата на претседателот, Елизабета Ѓоргиевска, а по повод Меѓународниот ден на жените и девојките научнички, денеска се одржа тематска дебата  „Професионални и лични предизвици со коишто се соочуваат научничките во Република Северна Македонија“.

Обраќајќи се пред присутните, сопругата на претседателот рече дека одбележувањето на овој ден е можност за подигнување на јавната свест за потребата за зголемување на бројот на жени и девојки научнички. „Овозможувајќи им еднакви можности за образование на девојките ги поттикнуваме да не го напуштат образовниот процес и во иднина да бидат дел од науката“, нагласи Ѓоргиевска, додавајќи дека сите заедно треба да работат на надминување на бариерите за девојките и жените во науката.

„Повеќе жени во наука е важна тема и за Агендата 2030. До 2030 година земјите во светот треба да изградат отпорна инфраструктура, да промовираат инклузивна и одржлива индустријализација и да поттикнуваат иновација. Оваа цел не може да се оствари без еднакви можности за жените научнички и истражувачки. Нееднаквиот пристап на жените и девојките до СТЕМ- областите е кочничар за одржливиот развој. Со својот придонес, жените научнички можат да го забрзаат темпото и да помогнат да се надомести загубеното време во постигнување одржлив развој“, рече Ѓоргиевска.

Говорејќи дека во земјава бројот на научнички во одредени академски дисциплини е на повисоко ниво од многу други земји, Ѓоргиевска нагласи дека за подобри резултати, потребен е долгорочен ангажман преку инвестирање во образовен систем кој ќе нуди еднакви можности за сите. Треба да ги поттикнуваме девојките да бидат дел од науката, истакна таа додавајќи дека како општество потребно е да обезбедуваме механизми со кои ќе се поддржат жените да бидат дел од повеќе научни истражувања.

„Верувам дека со ангажман од државата, академската заедница и бизнис- заедницата, можеме да успееме. Да охрабруваме платформи, програми и инкубатори за жени и за девојки истражувачи во СТЕМ-областите. Да се стремиме кон општество и кон образовен систем што ќе ги охрабрува девојките да студираат во СТЕМ-области, и притоа да го дадат најдоброто од себе за да бидат позитивен пример не само за својата туку и за наредните генерации. Да бидеме катализатор на промени за подобро општество за секој од нас.“, истакна сопругата на претседателот, Ѓоргиевска.

Дискутирајќи за предизвиците од институционална природа, Елисабета Бајрами Ологу, предавач и раководител на Одделот за социјална работа и социјална политика на Универзитетот „Мајка Тереза“ во Скопје ја истакна потребата од истражувачки центри, како и поголема финансиска поддршка за докторантите од областа на истражувањето.

Проф. д-р Јасмина Петреска Станоева, вонреден професор на Природно-математички факултет говорејќи за родовата димензија во науката истакна дека девојчињата треба уште од мали да се охрабруваат да истражуваат. Според неа, културата на менторство треба да се издигне на многу повисоко ниво и како ментори на млади девојки во академска средина мора да бидат отворени во врска со предизвиците со кои се соочуваат жените во науката.

На хибридниот настан, учествуваа научнички кои дискутираа на повеќе теми осврнувајќи се на личните и професионалните предизвици со коишто се соочуваат, на влијанието на пандемијата Ковид-19 во нивната секојдневна работа, како и за вклученоста на научничките во високото образование и научната работа.

Тема на годинешниот виртуелен настан во Обединетите Нации за одбележување на 6-от  Меѓународен ден на жени и девојки научнички  е „Надвор од границите: еднаквост во науката за општеството“, со посебен фокус на вредноста на социјалните аспекти и културните димензии во науката, технологијата и иновациите за подобрување на програмите за одржлив развој.

Категории

Categories

Kategori

Последни вести

Latest news

Lajmet e fundit

Претседателот Пендаровски го посети Националниот институт за ориентални јазици и цивилизации – ИНАЛКО во Париз

Претседателот Пендаровски го посети Националниот институт за ориентални јазици и цивилизации – ИНАЛКО во Париз

Претседателот Стево Пендаровски денеска во Париз го посети Националниот институт за ориентални јазици и цивилизации – ИНАЛКО, каде што оствари средба со Жан-Франсоа Хуше, претседател на ИНАЛКО и средба со Фроса Пејоска-Бушеро, шеф на Катедрата за македонски студии при...

Конференција „30 години македонско-германски дипломатски односи: Билатерална соработка и развојна поддршка со Северна Рајна – Вестфалија“ во организација на ПЦПО

Конференција „30 години македонско-германски дипломатски односи: Билатерална соработка и развојна поддршка со Северна Рајна – Вестфалија“ во организација на ПЦПО

Во организација на Претседателскиот центар за политичко образование денеска во Скопје се одржа конференција на тема „30 години македонско-германски дипломатски односи: Билатерална соработка и развојна поддршка со Северна Рајна - Вестфалија“. На отворањето на...

Консултативна средба за предлог-Законот за донирање на вишок на храна во Кабинетот на претседателот

Консултативна средба за предлог-Законот за донирање на вишок на храна во Кабинетот на претседателот

Во Кабинетот на претседателот денеска сопругата на претседателот, Елизабета Ѓоргиевска беше домаќин на консултативна средба за предлог-Законот за донирање на вишок на храна. На средбата присуствуваа министерката за труд и социјална политика, Јована Тренчевска,...

Порака од претседателот Пендаровски по повод Меѓународниот ден на Франкофонијата

Порака од претседателот Пендаровски по повод Меѓународниот ден на Франкофонијата

Претседателот Стево Пендаровски по повод Меѓународниот ден на Франкофонијата – 20 Mарт, ја упати следната порака: Денес го одбележуваме Меѓународниот ден на Франкофонијата. За Република Северна Македонија, членството во Меѓународната организација на Франкофонијата е...

Претседателот Пендаровски во посета на Париз по повод одбележувањето на 100-годишнината од раѓањето на Ацо Шопов

Претседателот Пендаровски во посета на Париз по повод одбележувањето на 100-годишнината од раѓањето на Ацо Шопов

Претседателот Стево Пендаровски од денеска престојува во работна посета на Француската Република, по повод одбележувањето на 100-годишнината од раѓањето на македонскиот поет Ацо Шопов. Претседателот Пендаровски утре – 21 март 2023 година, вторник, во седиштето на...