Денеска во Воената академија „Генерал Михаило Апостолски” – Скопје, се одржа свечена заклетва на 24-та класа студенти-питомци во студиската 2020/2021 година и свечена промоција во прв официрски чин на студентите-питомци од 20-тата класа.
Заклетва дадоа четириесет питомци од 24-та класа на Академијата, кои ќе го започнат своето воено образование. Од нив, дваесет и пет се од Северна Македонија, осум од Црна Гора, шест од Босна и Херцеговина и еден од Косово.
Во првиот офицерски чин, потпоручник, беа промовирани дваесет и седум питомци од 20-та класа, кои го завршуваат своето воено образование на Академијата. Од нив, деветнаесет се од Република Северна Македонија, тројца од Црна Гора, четворица од Босна и Херцеговина и еден од Косово.
Во име на претседателот на Република Северна Македонија и Врховен командант на вооружените сили, Стево Пендаровски, на прворангираната питомка Биљана Дуловиќ од Црна Гора и беше доделена награда, а признанието го врачи полковник Билјана Блажеска, аѓутант на претседателот на Република Северна Македонија.