Обраќање на сопругата на претседателот на Конгресот на Македонската асоцијација на гинеколози и опстетричари

13 мај 2023 | Aктивности, Соопштенија

 

Сопругата на претседателот, Елизабета Ѓоргиевска, со видео порака се обрати на отворањето на Петтиот конгрес на Македонската асоцијација на гинеколози и опстетричари со меѓународно учество кој се одржува од 12-14 мај 2023 година во Охрид.

На Конгресот учествуваат предавачи од  земјава, Италија, Турција, Србија, Хрватска, Албанија, Малта, Португалија, Египет, Грција, Словенија и ќе споделат знаења за одредени проблематики со цел заштита и унапредување на женското здравје и генерално, здравјето на населението. Меѓу темите на кои ќе се дискутира на Конгресот се перинатологија, гинеколошка онкологија, урогинекологија и пелвична статика, инфертилитет и ендокринологија, минимално инвазивна хирургија во гинекологијата, општа и ургентна гинекологија и др.

Во продолжение е интегралниот текст од обраќањето на сопругата на претседателот, Елизабета Ѓоргиевска:

Почитувани,

Улогата на професиите гинеколог и опстетричар во планирањето на семејството, водењето грижа за социјалните и психолошките аспекти на идните родители, унапредувањето на женското здравје, е многу значајна зa да имаме здраво население. Со своето професионално здравствено информирање за сите превентивни прегледи, нивните советувања и едуцирање, тие придонесуваат за зачувување на здравјето на жената. Секако, една од нивните најблагородни мисии е грижата за идната мајка во бременоста и нејзиното донесување на свет на здраво бебе.

Здравствените професионалци постојано се во чекор со современите пронајдоци и секогаш тежнеат кон стручно усовршување со цел да овозможат уште подобри здравствени услуги и да им помогнат на пациентите кои имаат здравствени предизвици да ги надминат успешно.

Петтиот конгрес на гинеколози и опстетричари во Охрид кој има меѓународен карактер е место на кое се собрани голем број на здравствени стручњаци кои споделувајќи ги најновите сознанија поврзани со гинеколошка онкологија и инкофертилитет, репродуктивна ендокринологија и инфертилитет, перинатологија, минимално инвазивна хирургија во гинекологијата и многу други области, ќе ги споделат своите искуства и дискутирајќи за одредени предизвици ќе се обидат и да понудат решенија за нивно унапредување и ќе придонесат за значајни позитивни промени и продлабочување на соработката за понатамошно креирање на поквалитетни програми и услуги.

Драги членови на Македонската асоцијација на гинеколози и опстетричари, Ви благодарам на поканата да присуствувам на овој значаен настан и со длабоко жалење би сакала да се извинам за неможноста да присуствувам на истиот. Ви честитам на досегашната успешна работа и сигурна сум дека во наредниот период ќе продолжите со уште многу други успешни активности. Ви посакувам многу успешен конгрес со продуктивни дискусии и ефективни заклучоци и препораки!

 

Категории

Categories

Kategori

Последни вести

Latest news

Lajmet e fundit

Претседателот Пендаровски домаќин на Ифтарска вечера по повод Рамазанските пости

Претседателот Пендаровски домаќин на Ифтарска вечера по повод Рамазанските пости

  Претседателот Стево Пендаровски беше домаќин и се обрати на Ифтарската вечера, којашто ја приреди по повод Рамазанските пости и во пресрет на големиот муслимански празник Рамазан Бајрам. На вечерата присуствуваа претставници од државно-владиниот врв, бизнис...

Отворен Кабинет за ученици од скопските основни училишта „Љубен Лапе“ и „Димитар Миладинов“

Отворен Кабинет за ученици од скопските основни училишта „Љубен Лапе“ и „Димитар Миладинов“

Во рамки на Отворен Кабинет, ученици од ООУ „Љубен Лапе“ и од ООУ „Димитар Миладинов“, од Скопје, денеска го посетија Кабинетот на претседателот Стево Пендаровски. Учениците имаа можност да се запознаат...

Претседателот Пендаровски ги прими акредитивните писма на новоименуваниот амбасадор на Белорусија, Сергеј Малиновски

Претседателот Пендаровски ги прими акредитивните писма на новоименуваниот амбасадор на Белорусија, Сергеј Малиновски

Претседателот Стево Пендаровски денеска ги прими акредитивните писма на Сергеј Малиновски, новоименуваниот амбасадор на Република Белорусија во Република Северна Македонија, со седиште во Белград. Претседателот Пендаровски во обраќањето на церемонијата на предавање на...

Претседателот Пендаровски ги прими акредитивните писма на новоименуваниот амбасадор на Египет, Надер Саад

Претседателот Пендаровски ги прими акредитивните писма на новоименуваниот амбасадор на Египет, Надер Саад

Претседателот Стево Пендаровски денеска ги прими акредитивните писма на Надер Саад, новоименуваниот амбасадор на Арапска Република Египет во Република Северна Македонија, со седиште во Софија. Претседателот Пендаровски во...

Средба со учесниците во програмата за регионална мобилност на млади истражувачи и активисти

Средба со учесниците во програмата за регионална мобилност на млади истражувачи и активисти

Претседателот Стево Пендаровски денеска прими учесници во Програмата за истражување на младински и образовни политики во Младински образовен форум (МОФ). За време на средбата младите од Албанија, Србија и од Северна Македонија,...