Во посета на Кабинетот на претседателот денеска беа учесници на Регионалната програма за младинско лидерство за мобилност (RYLMP) која се имплементира од Младинскиот отворен форум од нашата земја во соработка со Центарот за наука и иновации за развој (SCiDEV) од Албанија и Центарот за образовна политика (CEP) од Србија.
Посетителите имаа можност да се запознаат со начинот на функционирање на институцијата, да ги разгледаат просториите во коишто се реализираат официјалните и работните средби, свечености и прес-конференции, како и Мозаик салата со импозантниот диптих „Македонија – светла земја“ и „Македонија памети“ изработен од реномираниот уметник, академик Глигор Чемерски.
За време на средбата со претседателот Пендаровски, посетителите го информираа за досегашните активности кои се дел од Регионалната програма за младинско лидерство за мобилност и се насочени кон развивање на капацитетите во областа на информираното и засновано на податоци застапување, лидерство, активизам и интеркултурна размена и кон зајакнување на регионалната соработка меѓу Северна Македонија, Албанија и Србија. Тие имаа можност да се запознаат и со активностите кои се одвиваат во Кабинетот, како и со претседателската функција и уставните надлежности.