Претседателот Стево Пендаровски, на 18 и 19 ноември 2021 година ќе биде домаќин на претседателот на Република Полска, Анджеј Дуда, кој ќе престојува во официјална посета на Република Северна Македонија.
Претседателот Дуда, ќе биде пречекан со највисоки државни и воени почести во Кабинетот на претседателот на Република Северна Македонија. Предвидено е двајцата претседатели да одржат тет-а-тет средба, по што ќе следува пленарен состанок на двете делегации.
Во рамки на официјалната посета на Република Северна Македонија, претседателот Дуда ќе оствари средба со претседателот на Собранието Талат Џафери и со претседателот на Владата Зоран Заев.
- Агенда на активности – петок, 19 ноември 2021 година
– 10:30 часот – Официјална церемонија на пречек со највисоки државни и воени почести на претседателот Анджеј Дуда на платото пред Кабинетот на претседателот
– 10:50 часот – Тет-а-тет средба на претседателот Стево Пендаровски со претседателот Анджеј Дуда
– 11:10 часот – Пленарен состанок на делегациите на Република Северна Македонија и на Република Полска
– 12:10 часот – Заедничка прес-конференција на претседателот Стево Пендаровски и претседателот Анджеј Дуда, во Мозаик салата во Кабинетот на Претседателот.
Покануваме новинарски екипи во Кабинетот на претседателот во 9:40 часот.
НАПОМЕНА: Официјалната церемонија на пречек, пленарниот состанок и заедничката прес-конференција се отворени за сите медиуми.
Поради мерките за заштита од Ковид-19, инсерти од тет-а-тет средбата ќе бидат дистрибуирани од страна на Секторот за односи со јавност на Кабинетот на Претседателот.
– 12:50 часот – Полагање на венци од страна на претседателот Анджеј Дуда и претседателот Стево Пендаровски на гробот на Гоце Делчев во црквата „Св.Спас“.
Покануваме сниматели и фоторепортери во црквата Св. Спас“ во 12:30 часот.
– 13:15 часот – Обраќање на претседателот Анджеј Дуда и на претседателот Стево Пендаровски на отворањето на полско-македонскиот деловен форум, во хотел Мериот
Покануваме медиумски екипи во хотел Мериот во 12:30 часот.
Забелешка: Фото и видео материјали ќе бидат дистрибуирани од активностите на двајцата претседатели од страна на Кабинетот на претседателот.
За сите дополнителни прашања и информации, претставниците на медиумите можат да се обратат на следните контакти:
Билјана Радева +389 76 45 55 45 [email protected]
Катерина Цаневска +389 76 45 55 46 [email protected]