Изјава на претседателот Пендаровски по седницата на Советот за безбедност

29 октомври 2020 | Обраќања, Соопштенија

Денеска ја одржавме 9-та седница на Советот за безбедност на која присуствуваа сите постојани членови на советот, освен професорот Марковиќ, кој е отсутен поради професионални обврски и министерот за внатрешни работи Оливер Спасовски, кој е позитивен на вирусот и на кого сите ние му посакуваме брзо закрепнување. Надвор од постојаниот состав, а на моја покана присутен беше министерот за здравство Венко Филипче.

На дневен ред имавме само една точка – актуелната ситуација со Ковид-19 и мерките и активностите на надлежните органи за сузбивање на пандемијата.

Министерот Филипче не информираше за најновата состојба, за ангажираните капацитети, човечките и материјалните ресурси, за работата на Комисијата за заразни болести и за плановите за работа на болниците низ земјата заради прифаќање на напливот на нови пациенти.

Премиерот информираше детално за мерките на Владата за поддршка на домашната економија и на сите категории на граѓани кои се најмногу погодени од пандемијата.

Бевме информирани и за функционирањето на Централниот кризен штаб. Луѓето во кризниот штаб на дневно ниво следат што се случува во регионот и во Европа и се подготвени во најкус можен рок практично да ги применат најдобрите модели и кај нас.

Поради есенскиот бран на пандемијата здравствениот систем се реорганизира, се ангажираат дополнителни капацитети, се прават максимални напори да се тестираат што е можно повеќе лица, и да се згрижат и третираат што е можно повеќе пациенти. За жал, сведоци сме дека ситуацијата не се подобрува, секојдневно имаме значителен број на заболени, а бројот на оние чии животи згаснаа поради Ковид-19 исто така е во пораст.

Почитувани,

Сведочиме дека и најразвиените земји и најбогатите економии тешко излегуваат на крај со оваа ситуација без преседан. Велејќи го ова, не сакам да барам оправдување за секој потег на нашите власти кој е преземен во последните 8 месеци. Меѓутоа, во однос на сетот на мерки кои нашите здравствени авторитети ги применуваат, јасно е дека не постојат мерки кои се препорачани од СЗО или се применуваат во некои други држави и даваат позитивни ефекти, а не се применуваат кај нас. Главнината на здравствените мерки е иста, разликата е само во нивото на нивно почитување од страна на граѓаните и нивото на имплементација на законите од страна на државните институции.

Во оваа прилика сакам посебно да нагласам дека ниту во владата, ниту во министерството, ниту во комисијата за заразни болести не е собран сиот ум и сето искуство во светот, така што секоја добронамерна и конструктивна критика за подобрување на нашиот национален, државен одговор на пандемијата е добредојдена. Кај министерството и во владата во целина, постои и мора да постои добра волја и подготвеност сите корисни идеи и предлози да бидат прифатени.

Се разбира, лично не очекувам и мислам дека никој не очекува оваа ситуација да се користи за добивање на политички поени, затоа што, не знам како некој воопшто мисли да добива политички поени кога реално сите сме губитници со високите бројки на заразени и починати наши сограѓани кои ги бележиме секој ден.

Дозволете ми уште еднаш, во името на сите присустни на состанокот, да им оддадам признание на сите поединци, служби и институции во здравствениот сектор кои деноноќно работат на превенирање и сузбивање на последиците од пандемијата. Ситуацијата е исклучително сериозна, човечките и материјалните ресурси се ангажирани практично до својот максимум, а со оглед на тоа што доаѓа сезоната на сезонски грипови следните недели сигурно нема да биде полесно.

Со цел да истраеме, како никогаш до сега, потребни ни се одговорност, меѓусебна солидарност и претпазливост. И уште еден апел до граѓаните – во отсуство на вакцина или лек за оваа болест, нема друга алтернатива освен доследно почитување на заштитните протоколи – физичка дистанца, носење маски и драстично, драстично намален број на дружби и семејни собири.

Ве молам, направете го тоа за себе и за своите најблиски.

Ви благодарам.

Категории

Categories

Kategori

Последни вести

Latest news

Lajmet e fundit

Претседателот Пендаровски „Лице в лице“ со планинарката Мира Симоновски од Делчево

Претседателот Пендаровски „Лице в лице“ со планинарката Мира Симоновски од Делчево

Претседателот Стево Пендаровски во рамки на проектот „Лице в лице со претседателот“, ја посети планинарката Мира Симоновски од Делчево. Во разговор со претседателот Пендаровски, 74- годишната Симоновски ги...

Претседателот Пендаровски се обрати на одбележувањето на 60-годишнината од Уставниот суд

Претседателот Пендаровски се обрати на одбележувањето на 60-годишнината од Уставниот суд

Претседателот Стево Пендаровски денеска се обрати на свеченото отворање на Меѓународната конференција на тема „Уставно-судска заштита на слободата на мислата и слободата на јавно изразување на мислата“, што по повод 60-годишнината од постоењето на Уставниот суд се...

Отворен Кабинет за ученици од скопското основно училиште „11 Октомври“ и од специјалното средно училиште „Света Марија“ од Романија

Отворен Кабинет за ученици од скопското основно училиште „11 Октомври“ и од специјалното средно училиште „Света Марија“ од Романија

Во рамки на активноста Отворен кабинет, денеска Кабинетот на претседателот го посетија ученици од скопското основно училиште „11 Октомври“ и ученици од средното училиште за лица со оштетен слух „Света Марија“ од Романија, коишто престојуваат во земјава како гости на...

Обраќање на г-а Ѓоргиевска на изложбата посветена на жените во општеството, културата и науката

Обраќање на г-а Ѓоргиевска на изложбата посветена на жените во општеството, културата и науката

Сопругата на претседателот Елизабета Ѓоргиевска присуствуваше и се обрати на отворањето на изложбата „Калиопе Aвстрија и Северна Македонија, жените во општеството, културата и науката“ што се одржа во организација на амбасадата на Австрија во земјава, а во соработка...

Отворен Кабинет за основци од училиштата „Александар Македонски“, „Свети Кирил и Методиј“ и за деца од скопската градинка „Орце Николов“

Отворен Кабинет за основци од училиштата „Александар Македонски“, „Свети Кирил и Методиј“ и за деца од скопската градинка „Орце Николов“

Кабинетот на претседателот Пендаровски, денеска, во рамки на активноста Отворен Кабинет, го посетија ученици од скопските основни училишта „Александар Македонски“, и „Свети Кирил и Методиј“, како и деца од градинката „Орце Николов“, од Скопје. [gallery...