Претседателот Пендаровски, на маргините на Минхенската безбедносна конференција, се сретна со Џаред Коен, главниот извршен директор на Google Jigsaw. На средбата покрај претседателот Пендаровски, присуствуваа и премиерот Димитар Ковачевски и вицепремиерот за евроинтеграции Бојан Маричиќ.
На средбата се разговараше за примената на технолошките решенија во справување со глобалните предизвици и неопходноста на дигитализацијата за забрзан развој на општествата и потребата од вложување во новите технологии.
Претседателот Пендаровски истакна дека дигитализацијата е приоритет за Северна Македонија и претставува област во која е потребно зголемено вложување на ресурси во наредниот период.
Соговорниците разговараа и за примената на новите технологии, како и можните иницијативи за соработка.