Претседателот Стево Пендаровски, денеска, на нивно барање прими група граѓани, жители на ул. „Питу Гули“ од Скопје, а во врска со градежни работи кои се изведуваат во непосредна близина на оваа улица. Адвокатката Сузана Јошевска – Атанасовска, која е правен застапник на засегнатите граѓани го образложи ставот на граѓаните, сопственици на имоти на ул. „Питу Гули“, кои имаат непосреден правен интерес во случајов.
Сопствениците на имот на улица „Питу Гули“, населба Водно, кои имаат непосреден правен интерес, сметаат дека нивното нормално живеење и интереси, би биле засегнати од издаденото одобрение за градба на објект на ДУП Градска Четврт Ј07, издадено од општина Центар. Според нив, изведеното одобрение за градба е спротивно на деталниот урбанистички план и спротивно на максималната катност дозволена со планот.
Претседателот Пендаровски истакна дека очекува државните институции на централно и локално ниво да работат во служба на јавниот интерес и функционирање на правната држава, со цел да се заштитат правата на граѓаните.