Средба на претседателот Пендаровски со претседателот на Државниот збор на Република Словенија, Дејан Жидан

16 јули 2019 | Соопштенија, Средби

Претседателот на Република Северна Македонија, Стево Пендаровски, денеска, во рамки на официјалната посета на Република Словенија оствари средба со Дејан Жидан, претседател на Државниот збор на Република Словенија.

На средбата беа разменети мислења за билатералните односи меѓу двете држави, вклучувајќи ја соработката на парламентарно ниво, при што беше истакнато дека двете земји во континуитет негуваат пријателски односи, без отворени прашања, со долгогодишна конструктивна соработка и заемна поддршка на билатерален и мултилатерален план. Во тој контекст, беше нагласена добрата соработка меѓу двата парламенти.

Претседателот Пендаровски се заблагодари за брзата ратификација на Протоколот за пристапување на Северна Македонија во НАТО во Државниот збор и изрази очекување дека во наредниот период ќе биде завршена ратификацијата во сите држави членки на Алијансата, а со тоа Република Северна Македонија, многу скоро, до крајот на оваа година, да стане полноправна членка на НАТО.

Претседателот Пендаровски подвлече дека во периодот што следи ќе продолжи соработката меѓу двете држави на планот на евроатлантските интеграции во рамки на Процесот „Брдо Бриони“, Процесот за соработка во Југоисточна Европа и другите регионални иницијативи.

На средбата беше посочена потребата за продлабочување на економската соработка и зголемување на трговската размена меѓу двете земји, за што беше констатирано дека постои голем потенцијал.

Категории

Categories

Kategori

Последни вести

Latest news

Lajmet e fundit

Претседателот Пендаровски „Лице в лице“ со планинарката Мира Симоновски од Делчево

Претседателот Пендаровски „Лице в лице“ со планинарката Мира Симоновски од Делчево

Претседателот Стево Пендаровски во рамки на проектот „Лице в лице со претседателот“, ја посети планинарката Мира Симоновски од Делчево. Во разговор со претседателот Пендаровски, 74- годишната Симоновски ги...

Претседателот Пендаровски се обрати на одбележувањето на 60-годишнината од Уставниот суд

Претседателот Пендаровски се обрати на одбележувањето на 60-годишнината од Уставниот суд

Претседателот Стево Пендаровски денеска се обрати на свеченото отворање на Меѓународната конференција на тема „Уставно-судска заштита на слободата на мислата и слободата на јавно изразување на мислата“, што по повод 60-годишнината од постоењето на Уставниот суд се...

Отворен Кабинет за ученици од скопското основно училиште „11 Октомври“ и од специјалното средно училиште „Света Марија“ од Романија

Отворен Кабинет за ученици од скопското основно училиште „11 Октомври“ и од специјалното средно училиште „Света Марија“ од Романија

Во рамки на активноста Отворен кабинет, денеска Кабинетот на претседателот го посетија ученици од скопското основно училиште „11 Октомври“ и ученици од средното училиште за лица со оштетен слух „Света Марија“ од Романија, коишто престојуваат во земјава како гости на...

Обраќање на г-а Ѓоргиевска на изложбата посветена на жените во општеството, културата и науката

Обраќање на г-а Ѓоргиевска на изложбата посветена на жените во општеството, културата и науката

Сопругата на претседателот Елизабета Ѓоргиевска присуствуваше и се обрати на отворањето на изложбата „Калиопе Aвстрија и Северна Македонија, жените во општеството, културата и науката“ што се одржа во организација на амбасадата на Австрија во земјава, а во соработка...

Отворен Кабинет за основци од училиштата „Александар Македонски“, „Свети Кирил и Методиј“ и за деца од скопската градинка „Орце Николов“

Отворен Кабинет за основци од училиштата „Александар Македонски“, „Свети Кирил и Методиј“ и за деца од скопската градинка „Орце Николов“

Кабинетот на претседателот Пендаровски, денеска, во рамки на активноста Отворен Кабинет, го посетија ученици од скопските основни училишта „Александар Македонски“, и „Свети Кирил и Методиј“, како и деца од градинката „Орце Николов“, од Скопје. [gallery...