Сопругата на претседателот, Елизабета Ѓоргиевска, присуствуваше на отворањето на Центарот за рани интервенции и третман кај деца со нарушување од аутистичен спектар во Охрид

5 декември 2019 | Aктивности, Соопштенија, Средби

Сопругата на претседателот на Република Северна Македонија, Елизабета Ѓоргиевска, денеска во Охрид присуствуваше на отворањето на Центарот за рани интервенции и третман кај деца со нарушување од аутистичен спектар во ЈЗУ Општа болница – Охрид, наменет за деца на возраст од 2 до 8 години.

Центарот е изграден со донација на Владата на Република Бугарија преку Програмата за помош и развој за 2019 година. Носител на проектот е Здружението на граѓани за третман на лица со аутизам, АДХД и Аспергеров синдром „Во мојот свет“, а е поддржан од Министерство за здравство на Република Северна Македонија, кое ги отстапи просториите за користење во рамки на Општата Болница во Охрид и болницата Св. Еразмо.

„Навистина ова претставува преубав простор, кадешто ќе може децата да се третираат со најсовремени методи. Им посакувам успех во иднина. Како што слушнавме, веќе има пријавено пациенти и се повеќе ќе се пријавуваат. Верувам дека овој центар ќе придонесе за подобрување на здравствената состојба на голем број деца“, изјави Ѓоргиевска.

На отворањето на центарот присуствуваа и Венко Филипчe, министер за здравство на Република Северна Македонија, Кирил Ананиев, министер за здравство на Република Бугарија, Ангел Ангелов, амбасадор на Република Бугарија во Република Северна Македонија, Славица Малеска Стојадиновиќ, директор на ЈЗУ Општа болница – Охрид, Златко Стојановски, претседател на Здружението за аутизам „Во мојот свет“, Димитар Иванов, генерален бугарски конзул во Битола и Антонија Велева, советник во Амбасадата на Бугарија во Скопје.

Сопругата на Претседателот, заедно со дел од присутните на отворањето на Центарот, ќе посетат основни училишта во три битолски села: Бач, Радобор и Чарлија. Во ОУ „Гоце Делчев“ во с. Чарлија, на официјалното презентирање на реализираните проекти за реконструкција на училиштата од страна на Министерството за надворешни работи на Република Бугарија, учениците од трите училишта ќе изведат пригодна програма.

Категории

Categories

Kategori

Последни вести

Latest news

Lajmet e fundit

Честитка од претседателот Пендаровски по повод Рамазан бајрам

Честитка од претседателот Пендаровски по повод Рамазан бајрам

Претседателот Стево Пендаровски, по повод големиот муслимански празник Рамазан бајрам, упати честитка до граѓаните од исламска вероисповед во Република Северна Македонија и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван...

Средба на претседателот Пендаровски со делегација на Пацифичкиот Совет од САД

Средба на претседателот Пендаровски со делегација на Пацифичкиот Совет од САД

Претседателот Стево Пендаровски денеска прими делегација од Пацифичкиот Совет од САД, која престојува во посета на нашата држава. Истакнувајќи дека Соединетите Американски Држави се наш најголем стратешки партнер и сојузник во НАТО, претседателот Пендаровски посочи...

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Претседателот Стево Пендаровски денеска го прими лорд Стјуарт Пич, специјален претставник на Обединетото Кралство за Западен Балкан. Двајцата соговорници разменија мислења за актуелните случувања во регионот на Западен Балкан, за стратешките интереси на земјава и...

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Претседателот Стево Пендаровски, денеска ја прими Џилиан Стирк, Шеф на мисијата за набљудување на претстојните избори (ЕОМ) на ОБСЕ – Канцеларија за демократски институции и човекови права (ОДИХР). На средбата претседателот Пендаровски беше запознаен со планираните...

Честитка од претседателот Пендаровски до верниците кои го прославуваат Велигден според Грегоријанскиот календар

Честитка од претседателот Пендаровски до верниците кои го прославуваат Велигден според Грегоријанскиот календар

Претседателот Стево Пендаровски, по повод големиот христијански празник Воскресение Христово – Велигден, упати честитка до д-р Киро Стојанов, Скопски бискуп и епарх струмичко-скопски, и до сите христијански верници кои го прославуваат Велигден според Грегоријанскиот...