Претседателот Стево Пендаровски денеска присуствуваше на отворањето на првата Академија за дисеминатори за Меѓународно хуманитарно право, што се одржува во организација на Црвениот крст на Република Северна Македонија.
Претседателот Пендаровски во своето поздравно обраќање го истакна значењето на оваа Академија за создавање кадар од академската заедница кој ќе го промовира и афирмира меѓународното хуманитарно право пред различни целни групи. Посакувајќи успешна обука на првите учесници на Академијата за дисеминатори за Меѓународно хуманитарно право, претседателот Пендаровски изрази надеж дека академијата ќе стане традиционална. Претседателот Пендаровски ја истакна и важноста од градењето на култура на почитување и применување на хуманите принципи, особено во овој период на голема хуманитарна криза.
Академијата за дисеминатори за Меѓународно хуманитарно право претставува базична тридневна обука наменета за студенти од завршна година на додипломски студии или студенти на постдипломски студии од областа на безбедноста, правото и воените науки, а ќе се реализира во период од 19 до 21 декември 2022 година.
