Претседателот Пендаровски ги прими акредитивните писма на новоименуваните амбасадори на Кипар и на Иран

2 јуни 2021 | Соопштенија

Претседателот Стево Пендаровски денеска ги прими акредитивните писма на новоименуваните амбасадори на Република Кипар и на Исламската Република Иран, во Република Северна Македонија.

На церемонијата на предавање на акредитивни писма од страна на Димитриос Теофилакту, новоименуван амбасадор на Република Кипар, со седиште во Белград, претседателот Пендаровски истакна дека од воспоставувањето на дипломатските односи меѓу двете држави во август 2019 година, се создадоа неопходните услови за интензивирање на политичкиот дијалог и за продлабочување на меѓусебните односи и соработка.

„Конкретно, со задоволство сакам да ја констатирам нашата подготвеност за интензивирање на економската соработка, со цел целосно искористување на економските потенцијали на нашите две земји, поттикнување на трговската размена, инвестициите, како и меѓусебната координација во развојот на туризмот“, рече претседателот Пендаровски.

Во своето обраќање претседателот Пендаровски ја истакна континуираната кипарска поддршка за евроинтегративниот процес на нашата земја и додаде дека очекува засилено афирмирање на поддршката во европските институции во периодот којшто следи.

Амбасадорот Теофилакту потенцираше дека пристапувањето на Северна Македонија и останатите земји кандидати од Западниот Балкан во Европската Унија, е висок приоритет и дека може само да придонесе кон стабилноста и просперитетот на регионот и Европа.

„Со цел да дадеме силен поттик, како кон вашиот евроинтеграциски пат, така и на нашите билатерални односи, ние сакаме да размениме повеќе посети, како на претседателско, така и на министерско ниво, а вклучувајќи и состаноци на други надлежни институции, како што се стопанските комори на нашите две земји. Натамошното унапредување на економската соработка, трговијата и туризмот нуди големи можности за нашите две земји“, рече амбасадорот Теофилакту на церемонијата на предавање на акредитивните писма.

Оценувајќи дека двете земји во изминатиот период изградија конструктивни односи, претседателот Пендаровски на церемонијата на предавање на акредитивни писма од страна на Сејед Мохамад Џавад Расули, новоименуван амбасадор на Исламската Република Иран, со седиште во Софија, истакна дека тие односи се темелат на меѓусебно разбирање и на почит.

„Во таа насока, дозволете ми, да ја потенцирам нашата подготвеност за натамошно унапредување на меѓусебната соработка во областите од заемен интерес, меѓу кои би ги издвоил економијата, туризмот и културата. Ве уверувам дека и за време на Вашиот мандат ќе продолжиме со активностите и со иницијативите за постигнување уште поголема соработка во овие домени“, рече претседателот Пендаровски.

Истакнувајќи дека двете земји имаат долга историја и голем потенцијал за проширување на односите, амбасадорот Расули рече дека на економско поле постојат многу капацитети и области за соработка.

„Верувам дека блиските политички ставови, јасните економски интереси, силното културно сродство и блиското пријателство помеѓу владите и народите на двете земји, се силна основа за развој на односите и затоа подготвен сум преку консултации со македонските власти да се финализира и прецизно спроведе агендата за идните односи“, заклучи амбасадорот Расули.

Претседателот Пендаровски на новоименуваните амбасадори на Кипар, Димитриос Теофилакту и на Иран, Сејед Мохамад Џавад Расули, им посака успех во извршувањето на одговорната дипломатска функција.

Категории

Categories

Kategori

Последни вести

Latest news

Lajmet e fundit

Дискусија „Влијание и вклучување на гласачи: како до успешни политички кампањи?“ во организација на ПЦПО и ИРИ

Дискусија „Влијание и вклучување на гласачи: како до успешни политички кампањи?“ во организација на ПЦПО и ИРИ

Во Кабинетот на претседателот на Република Северна Македонија се одржа дискусија на тема „Влијание и вклучување на гласачи: како до успешни политички кампањи? - лекции од Соединетите Американски Држави“, во организација на Претседателскиот центар за политичко...

Претседателот Пендаровски се обрати на дискусијата „Заедничка иницијатива за климатска акција“ во пресрет на 28. Самит за климатски промени

Претседателот Пендаровски се обрати на дискусијата „Заедничка иницијатива за климатска акција“ во пресрет на 28. Самит за климатски промени

Претседателот Стево Пендаровски денеска се обрати на дискусијата „Заедничка иницијатива за климатска акција “, којашто се одржа во соработка со постојаниот претставник на Програмата за развој на Обединетите нации (УНДП) Армен Григорјан, а во пресрет на претстојниот...

Претседателот Пендаровски го додели признанието „Успешни млади“ за 2022 година

Претседателот Пендаровски го додели признанието „Успешни млади“ за 2022 година

Претседателот Стево Пендаровски, на церемонија во Кабинетот на претседателот, денеска го додели признанието „Успешни млади“ за 2022 година. Признанието се доделува како поттик на научноистражувачката мисла и уметничката работа на младите во нашата држава. За Најдобра...

Панел – дискусија „Вклучи се, превенирај, одговори и систематизирај“ во рамки на 16 дена активизам против родово-базирано насилство

Панел – дискусија „Вклучи се, превенирај, одговори и систематизирај“ во рамки на 16 дена активизам против родово-базирано насилство

Под покровителство на сопругата на претседателот, Елизабета Ѓоргиевска и во соработка со Сојуз-Национален совет за родова рамноправност, денеска се одржа панел-дискусија на тема „Вклучи се, превенирај, одговори и систематизирај“,  по повод кампањата „16 дена активизам...

Претседателот Пендаровски присуствуваше на настанот „Ацо Шопов – Невообичаено“

Претседателот Пендаровски присуствуваше на настанот „Ацо Шопов – Невообичаено“

Претседателот Стево Пендаровски присуствуваше на настанот „Ацо Шопов – Невообичаено“ којшто се одржа во рамки на чествувањето на 100-годишнината од раѓањето на македонскиот поет Ацо Шопов, иницијатива под покровителство на Претседателот. [gallery...