Претседателот Пендаровски ги прими акредитивите на новите амбасадори на Meксико и на Малезија

30 ноември 2021 | Соопштенија

Претседателот Стево Пендаровски ги прими акредитивните писма на новите амбасадори на Соединетите Мексикански Држави и на Малезија во Република Северна Македонија.

На церемонијата на предавање на акредитивните писма од страна на новиот амбасадор на Соединетите Мексикански Држави, со седиште во Белград, Карлос Исауро Феликс Корона, претседателот Пендаровски истакна дека билатералните односи и соработката меѓу двете држави традиционално се базираат на пријателство, меѓусебно разбирање и заемно почитување, додавајќи дека постојат низа можности за нивно унапредување особено во културата, образованието, туризмот и економијата.

„Во таа насока искрено се надевам дека и Вие, преку Вашиот иден ангажман, ќе придонесете кон нивно севкупно зајакнување, внесувајќи притоа и нови содржини, преку поинтензивен политички дијалог, комуникација меѓу парламентите, збратимување на локално ниво и зајакната економска соработка“, рече претседателот Пендаровски.

Мексиканскиот амбасадор истакна дека годинава се одбележуваат 20 години од воспоставувањето на дипломатски односи меѓу двете држави, нагласувајќи дека активно ќе се залага да промовира ново поглавје на разбирање и соработка меѓу Мексико и Северна Македонија засновано на долгогодишно и силно пријателство и разбирање.

„Мексико како 15-та економија во светот, со разновидна и отворена економија, е сигурен трговски партнер на Северна Македонија во нејзината визија да ги диверзифицира своите економски врски во другите региони во светот. Промоцијата на меѓусебните трговски и инвестициски можности е друга важна задача во мојата работна агенда“, рече амбасадорот на Мексико.

На церемонијата на предавање на акредитивните писма од страна на Франциско Мунис, новиот амбасадор на Малезија со седиште во Будимпешта, претседателот Пендаровски истакна дека двете држави негуваат пријателски врски, при што, Северна Македонија придава внимание на развојот и унапредувањето на севкупните односи со Малезија, на билатерален и на мултилатерален план.

„Цврсто сум убеден дека, освен заедничка желба, постои и голем потенцијал да ги развиваме и унапредуваме меѓусебните односи. Ова особено се однесува на соработката во делот на туризмот, културата и економијата, каде Република Северна Македонија, со поволностите кои ги нуди, би можела да претставува влезна врата за малезиските производи во регионот на Југоисточна Европа“, рече претседателот Пендаровски.

Истакнувајќи дека очекувањата и потенцијалот на економското и деловното партнерство се ветувачки, особено во областа на прехранбената индустрија, туризмот и културните размени, амбасадорот Мунис нагласи и дека двете земји одржуваат практична соработка на мултилатерално ниво, каде што се посветени на решавање на меѓународните прашања на фер и правичен начин.

„Во таа насока, Малезија и Северна Македонија ќе продолжат да негуваат срдечни односи со сите земји и да соработуваат во сите сфери во однос на глобалните прашања, како во рамките на Обединетите нации, така и во рамките на други меѓународни платформи“, рече амбасадорот Мунис.

Претседателот Пендаровски на новите амбасадори на Соединетите Мексикански Држави, Карлос Исауро Феликс Корона и на Малезија, Франциско Мунис им посака успех во извршувањето на одговорната дипломатска функција.

Категории

Categories

Kategori

Последни вести

Latest news

Lajmet e fundit

Државна вечера во чест на претседателот на Сојузна Република Германија, Франк-Валтер Штајнмајер

Државна вечера во чест на претседателот на Сојузна Република Германија, Франк-Валтер Штајнмајер

По повод официјалната посета на претседателот на Сојузна Република Германија, Франк Валтер Штајнмајер, беше приредена државна вечера, на која беа поканети претставници од државниот врв, пратеници, претставници од политичките партии, како и стопанственици од бизнис...

Претседателот Пендаровски и претседателот Штајнмајер положија венци на гробот на Гоце Делчев во црквата „Св. Спас“

Претседателот Пендаровски и претседателот Штајнмајер положија венци на гробот на Гоце Делчев во црквата „Св. Спас“

Во рамки на официјалната посета на претседателот на Сојузна Република Германија, Франк-Валтер Штајнмајер на Република Северна Македонија, денеска претседателот Пендаровски и претседателот Штајнмајер положија венци на гробот на македонскиот револуционер Гоце Делчев во...

Пендаровски-Штајнмајер: Германија ќе продолжи да биде нашиот клучен политички и економски партнер

Пендаровски-Штајнмајер: Германија ќе продолжи да биде нашиот клучен политички и економски партнер

Претседателот Стево Пендаровски денеска со највисоки државни и воени почести го пречека претседателот на Сојузна Република Германија, Франк-Валтер Штајнмајер, кој престојува во официјална посета на Република Северна Македонија. Во рамки на посетата, покрај тет-а-тет...

Започна официјалната посета: Претседателот Пендаровски го пречека германскиот претседател Франк-Валтер Штајнмајер

Започна официјалната посета: Претседателот Пендаровски го пречека германскиот претседател Франк-Валтер Штајнмајер

На церемонија со највисоки државни и воени почести претседателот Стево Пендаровски денеска го пречека претседателот на Сојузна Република Германија, Франк-Валтер Штајнмајер, кој престојува во официјална посета на Република Северна Македонија. [gallery...

Претседателот Пендаровски домаќин на германскиот претседател Франк-Валтер Штајнмајер

Претседателот Пендаровски домаќин на германскиот претседател Франк-Валтер Штајнмајер

Претседателот Стево Пендаровски на 29 и 30 ноември 2022 година ќе биде домаќин на претседателот на Сојузна Република Германија, Франк-Валтер Штајнмајер, кој ќе престојува во дводневна официјална посета на Република Северна Македонија. Претседателот Штајнмајер на...