Presidentja Gordana Siljanovska Davkova sot mbajti fjalim në festimin solemn të 20-vjetorit të hapjes së Këndit amerikan në Shkup.
Në fjalën e saj, Presidentja Siljanovska-Davkova tha se Këndi amerikan është një mundësi, para së gjithash, që të rinjtë të jenë në kontakt me kulturën amerikane, por edhe me vlerat amerikane, të mësojnë gjuhën angleze, të njohin kuptimin e vullnetarizmit, shkrim-leximin mediatik, madje edhe sigurinë. Ajo theksoi se Këndi amerikan është një nga simbolet apo qendrat e miqësisë dhe partneritetit maqedonas-amerikan, tregues domethënës i mirëkuptimit dhe respektit të ndërsjellë, bashkëpunimi që fokusohet te liderët e rinj në të gjitha fushat si nxitës të ardhshëm të marrëdhënieve shoqërore dhe ndryshimeve.
Në vijim është teksti i fjalimit të Presidentes Siljanovska Davkova.
Shkëlqesia juaj, Ambasadorja e Shteteve të Bashkuara të Amerikës, Anxhela Ageler,
Të nderuar përfaqësues të Këndit amerikan, profesorë, kryetar i Komunës Qendër, z. Goran Gerasimovski,
Të ftuar të respektuar,
Kam nderin t’ju uroj mirëseardhjen në kremtimin e një përvjetori kaq të rëndësishëm siç është hapja e Këndit të parë amerikan, që u bë 20 vjet më parë në Shkup. Kjo pikë e vogël por e rëndësishme do të përhapet më pas si një ngjitës kulturor në qytete të tjera të Republikës, duke justifikuar në mënyrën më të mirë të mundshme idenë e një gjesti kaq bujar nga Ambasada amerikane në vend.
Këndi Amerikan është një mundësi, mbi të gjitha, që të rinjtë të jenë në kontakt me kulturën amerikane, por edhe me vlerat amerikane, të mësojnë anglisht, të njohin kuptimin e vullnetarizmit, shkrim-leximin mediatik, madje edhe sigurinë. Këtu takon, gjithashtu, edhe ish-përfituesit e bursave Fulbright dhe shkëmbejnë përvojat e tyre amerikane në një mënyrë të drejtpërdrejtë.
Do të citoj një varg të poetit të njohur Uolt Uajtman i cili është i shquar në mbarë botën: “Shtetet e Bashkuara të Amerikës, thotë ai, në vetvete në thelb janë poema më e madhe” (“The United States themselves are essentially the greatest poem“) kështu thotë poeti dhe thekson se si poezia ashtu edhe demokracia e marrin fuqinë e tyre nga aftësia e tyre për të krijuar një tërësi të unifikuar nga pjesë të ndryshme. Ato pjesë të ndryshme, kultura dhe tradita të ndryshme mund të takohen edhe këtu në Këndin amerikan ku, mbi të gjitha, të rinjtë shkëmbejnë mendime, ide, mësojnë për të tjerët, thellohen në thelbin e multikulturalizmit apo globalizmit. Jemi mirënjohës që nëpërmjet kësaj qendre mund të njihemi me natyrën shumështresore të një kulture të madhe siç është ajo amerikane.
Mesazhi i Uajtmanit është vizionar, por sigurisht edhe misionar, sepse nuk është i destinuar vetëm për kombin amerikan, të paktën kështu e lexojmë ne në shekullin e 21-të, kurse pikërisht Këndi amerikan që na jep mundësinë ne këtu të ndeshemi me kulturën amerikane dhe vlerat e demokracisë amerikane.
Vendi ynë e njeh këtë rëndësi dhe për këtë arsye ka qenë i përfshirë aktivisht në mbështetjen e këtij projekti të rëndësishëm që në fillim. Nuk është rastësi që ekziston me sukses prej 20 vitesh dhe ka hapësirë që të vazhdojë të jetojë dhe të zhvillohet edhe mandej. Do të thosha i suksesshëm se misioni është i suksesshëm, por nuk ka mbaruar, sepse kur shikojmë gjithçka ka ndodhur në ato hapësira të vogla nga ku është transmetuar ideja e gjerë dhe fisnike e shkëmbimit të vlerave, vështrimi ynë drejtohet drejt së ardhmes. Ata që vijnë këtu kanë diçka për të dëgjuar, por sigurisht që kanë edhe diçka për të thënë. Ky interaksion është një forcë lëvizëse dhe prej tij do të dalin ide të reja që, jam e bindur, se do të përfshihen në themelet e Këndit amerikan.
Një komb nuk është i madh vetëm sepse është i madh, i pasur apo i fuqishëm, por deri në çfarë mase ka arritur të çlirojë njerëzit e tij dhe të përfshijë krijimtarinë e tyre në shoqëri. Ne e synojmë këtë dhe unë e njoh këtë forcë, të cilën Presidenti Lindon Xhonson e ka theksuar në një fjalim, në aktivitetet e Këndit amerikan.
Në fund do të theksoj nëse duam të veçojmë simbole apo qendra të miqësisë dhe partneritetit maqedonas-amerikan, Këndi amerikan është një prej tyre, një tregues domethënës i mirëkuptimit dhe respektit të ndërsjellë, dhe nevojë bashkëpunimi i cili fokusohet te liderët e rinj në të gjitha fushat si nxitës të ardhshëm të marrëdhënieve shoqërore dhe ndryshimeve. Jua uroj këtë jubile dhe ju dëshiroj punë të mëtejshme të suksesshme. Rrëfimi i suksesshëm le të vazhdojë të zhvillohet!
Ju faleminderit.
