Presidenti Stevo Pendarovski në suazat e vizitës zyrtare në Republikën Helene sot e vizitoi muzeun “Benaki”.
Gjatë vizitës në muzeun “Benaki” Presidenti Pendarovski e vizitoi arkivin e një prej arkitektëve më të rëndësishëm grekë dhe botërorë, Konstantinos Doksiadis. Doksiadis ka marrë pjesë në krijimin e planit themelor urbanistik për rikonstruksionin e Shkupit, pas tërmetit katastrofal në vitin 1963. Në këtë muze, Presidenti Pendarovski kishte mundësi të shohë edhe fotografi të vjetra të Shkupit të rrënuar të cilat Doksiadis i ka bërë në qytet. Gjithashtu, në muze është ekspozuar edhe fletë falënderimi të cilën qyteti Shkup ia ka dhënë Konstantinos Doksiadis për kontributin e tij në rinovimin e qytetit.
Me këtë përfundon edhe vizita zyrtare e Presidentit Stevo Pendarovski në Republikën Helene e cila është vizita e parë në këtë vend në nivel presidencial që nga pavarësia e Maqedonisë së Veriut deri më sot.
