Presidenti Stevo Pendarovski, në margjinat e Samitit të NATO-s pati takim të shkurtër me sekretarin shtetëror të SHBA-së, Entoni Blinken.
Presidenti Pendarovski e theksoi rëndësinë e mbështetjes amerikane për aspirimet evropiane maqedonase, si dhe ndihmën në fusha konkrete, duke përfshirë edhe demokracinë, sundimin e të drejtës dhe luftën kundër korrupsionit.
Në këtë takim janë riafirmuar marrëdhëniet e përkryera bilaterale midis SHBA-së dhe Maqedonisë së Veriut, ndërsa u vlerësua se fillimi i Dialogut strategjik këtë muaj është hap i rëndësishëm në zhvillimin e marrëdhënieve midis dy shteteve dhe në zbatimin konkret të Partneritetit strategjik.
Në lidhje me sigurinë e kontinentit evropian, si dhe ndikimin e invazionit rus mbi Ukrainën dhe stabilitetin e kontinentit evropian, Presidenti Pendarovski theksoi se Maqedonia e Veriut është e gatshme për ndarjen e sfidave si vend anëtar i plotfuqishëm i NATO-s. Ai tha se anëtarësimi i Suedisë dhe Finlandës në NATO do të kontribuojë mbi sigurinë e Evropës dhe NATO-s në tërësi.
