Në suazat e vizitës zyrtare të Presidentes së Republikës Sllovake Zuzana Çaputova në Republikën e Maqedonisë së Veriut, sot Presidenti Pendarovski dhe Presidentja Çaputova vendosën kurora pranë varrit të revolucionarit maqedonas Goce Dellçev në Kishën “Shën. Spas”.
Paraprakisht, Presidenti Stevo Pendarovski në Kabinetin e Presidentit, në ceremoni zyrtare me nderimet më të larta shtetërore dhe ushtarake e priti Presidenten Çaputova, kurse pas takimit tet-a-tet dhe takimit plenar të delegacioneve zyrtare të Republikës së Maqedonisë së Veriut dhe Republikës së Sllovakisë, u mbajt konferencë e përbashkët për shtyp e Presidentit Pendarovski dhe Presidentes Çaputova.
