Presidenti i Republikës së Maqedonisë së Veriut, Stevo Pendarovski me rastin e festës “Shën. Sava”, i uroi pjesëtarët e bashkësisë serbe në Republikën e Maqedonisë së Veriut.
Të nderuar bashkëqytetarë të nacionalitetit serb,
Më lejoni në emrin tim personal dhe në emër të të gjithë qytetarëve të Republikës së Maqedonisë së Veriut t’ju uroj përzemërsisht ditën nacionale të serbëve në Republikën e Maqedonisë së Veriut – Shën. Savën dhe t’ju uroj festën, para së gjithash, ta kaloni në shëndet të mirë, të mbushur me lumturi dhe me fat.
Dita e kryepeshkopit, iluministit dhe spiritualistit të parë serb – Shenjtori Sava, 27 Janari, është më shumë se ditë nacionale e bashkësisë serbe në Republikën e Maqedonisë së Veriut. Kjo është padyshim një nga festat më të rëndësishme nacionale dhe spiritualiste të popullit serb. Pikërisht nëpërmjet traditave, zakoneve dhe trashëgimisë së vet, serbët, si pjesë e pandashme e Republikës shumetnike të Maqedonisë së Veriut e pasurojnë kulturën tonë dhe lenë vulë në jetën shoqërore.
Të nderuar,
Dëshiroj mençuria, spiritualiteti dhe qëndrueshmëria e Shenjtorit Sava të jenë motivim dhe shembull për tejkalim të të gjitha tundimeve dhe vështirësive dhe të na inspirojnë në vendosjen e paqes, harmonisë dhe mirëqenies.
Gëzuar 27 Janarin, Ditën e Shën. Savës.
Stevo Pendarovski