Presidentja Gordana Siljanovska Davkova sot e mirëpriti në takim ambasadoren e Konfederatës së Zvicrës, Veronik Ulman.
Në këtë takim u shkëmbyen mendime për bashkëpunimin e përgjithshëm bilateral midis dy shteteve, që i lidh një miqësi tradicionale dhe të sinqertë të bazuar në bashkëpunimin dhe respektim e ndërsjellë.
Presidentja Siljanovska Davkova theksoi se te Zvicra, me të cilën këtë vit shënojmë 30 vjet nga vendosja e marrëdhënieve diplomatike, shohim një mik të madh dhe aleat të sinqertë në procesin e arritjes së qëllimeve dhe prioriteteve të politikës së jashtme.
Në takim, Presidentja Siljanovska Davkova e theksoi rëndësinë e mbështetjes zvicerane për institucionet maqedonase, si në nivelin qendror ashtu edhe në atë lokal, por edhe për shoqërinë qytetare dhe theksoi se e vlerësojmë faktin veçanërisht që Zvicra është donatori ynë më i madh bilateral.
Presidentja Siljanovska Davkova theksoi nevojën për përforcimin e mëtejmë të bashkëpunimit ekonomik, si nëpërmjet promovimit të mëtejmë të tregtisë ashtu edhe nëpërmjet rritjes së investimeve zvicerane.
Në takim u theksua edhe diaspora e madhe maqedonase në Zvicër si aspekt i rëndësishëm në zhvillimin e përgjithshëm të marrëdhënieve ndërmjet dy shteteve.
