Presidenti Stevo Pendarovski sot u takua me përfaqësues të organizatës CIVIL – Qendra për liri, me rastin e fillimit të realizimit të projektit “Hap përpara drejt shoqërisë multikulturore”.
Përfaqësuesit e organizatës e informuan Presidentin Pendarovski mbi aktivitetet në kuadër të këtij projekti, të cilat do të kenë për qëllim promovimin e multikulturalizmit, respektimit të shumëllojshmërisë dhe mosdiskriminimit në shoqëri si vlera themelore njerëzore dhe evropiane, kurse do të realizohet me mbështetjen e Ministrisë së Punëve të Jashtme dhe Evropiane të Dukatës së Madhe të Luksemburgut.
Presidenti Pendarovski, duke e theksuar rëndësinë e temave të përfshira në këtë projekt, shprehu mbështetje për aktivitetet e organizatës dhe përpjekjet për shoqëri multikulturore.